Астана қаласында жылыту маусымына дайындық және оны өткізу қағидасы туралы
Астана қаласы мәслихатының 2014 жылғы 27 маусымдағы № 249/36-V шешімі
Осы редакция 2016 жылғы 24 маусымда енгізілген өзгерістеріне дейін қолданылды
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңына сәйкес, Астана қаласының мәслихаты ШЕШТІ:
1. Астана қаласында жылыту маусымына дайындық және оны өткізу қағидасы бекітілсін.
2. Осы шешім оны алғашқы ресми жариялаған күннен бастап он күнтізбелік күн өткен соң қолданысқа енгізіледі.
2014 жылғы 27 маусымдағы
№ 249/36-V шешімімен бекітілген
Астана қаласында жылыту маусымына дайындық және оны өткізу
қағидасы
1. Жалпы ережелер
1. Осы Астана қаласында жылыту маусымына дайындық және оны өткізу қағидасы (бұдан әрі - Қағида) Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы, «Электр энергетикасы туралы» 2004 жылғы 9 шілдедегі заңдарына, Қазақстан Республикасы Үкіметінің «Электр энергетикасы саласындағы нормативтік құқықтық кесімдерді бекіту туралы» 2000 жылғы 7 желтоқсандағы № 1822, «Энергия өндіруші және энергия беруші ұйымдардың күзгі-қысқы жағдайларда жұмысқа әзірлігі паспортының нысанын, оны алу қағидаларын және мерзімін бекіту туралы» 2013 жылғы 18 сәуірдегі № 373, «Жылу энергиясын пайдалану қағидаларын бекіту туралы» 2013 жылғы 10 шілдедегі № 712, «Электр энергиясын пайдалану қағидаларын бекіту туралы» 2013 жылғы 10 шілдедегі № 713 қаулыларына сәйкес әзірленді және Астана қаласының аумағында жылыту маусымына дайындық және оны өткізу тәртібін белгілейді.
2. Қағиданы келесілер орындауға міндетті:
1) жергілікті атқарушы органдар;