Жетісу облысының 2025-2027 жылдарға арналған облыстық бюджеті туралы
Жетісу облыстық мәслихатының 2024 жылғы 11 желтоқсандағы № 24-143 шешімі
(2025.14.11. берілген өзгерістер мен толықтыруларымен)
Қазақстан Республикасы Бюджет кодексінің 8, 75-баптарына, «Қазақстан Республикасындағы жергілікті мемлекеттік басқару және өзін-өзі басқару туралы» Республикасы Заңының 6-бабының 1-тармағының 1) тармақшасына, Жетісу облыстық мәслихаты ШЕШІМ ҚАБЫЛДАДЫ:
Жетісу облыстық мәслихатының 2025.22.01. № 25-153 шешімімен (2025 ж. 1 қаңтардан бастап қолданысқа енгізілді) (бұр.ред.қара); 2025.28.05. № 28-173 шешімімен (2025 ж. 1 қаңтардан бастап қолданысқа енгiзiлдi) (бұр.ред.қара); 2025.14.11. № 32-196 шешімімен (2025 ж. 1 қаңтардан бастап қолданысқа енгiзiлдi) (бұр.ред.қара) 1-тармақ жаңа редакцияда
1. 2025-2027 жылдарға арналған облыстық бюджет тиісінше осы шешімнің 1, 2 және 3-қосымшаларына сәйкес, оның ішінде 2025 жылға келесі көлемдерде бекітілсін:
1) кірістер 513 903 296 мың теңге, оның ішінде:
салықтық түсiмдер бойынша 59 786 990 мың теңге;
салықтық емес түсiмдер бойынша 15 430 712 мың теңге;
негiзгi капиталды сатудан түсетін түсiмдер бойынша 106 951 мың теңге;
трансферттер түсімдері бойынша 438 578 643 мың теңге;
2) шығындар 527 698 989 мың теңге;
3) таза бюджеттік кредиттеу 43 973 789 мың теңге, оның ішінде:
бюджеттік кредиттер 52 679 053 мың теңге;
бюджеттік кредиттерді өтеу 8 705 264 теңге;
4) қаржы активтерiмен жасалатын операциялар бойынша сальдо 2 400 298 мың теңге, оның ішінде:
қаржылық активтерді сатып алу 2 400 298 мың теңге;
мемлекеттің қаржы активтерін сатудан түсетін түсімдер 0 теңге;
5) бюджет тапшылығы (профициті) (-) 60 169 780 мың теңге;
6) бюджет тапшылығын қаржыландыру (профицитін пайдалану)
60 169 780 мың теңге, оның ішінде:
қарыздар түсімі 47 703 347 мың теңге;
қарыздарды өтеу 5 366 112 мың теңге;
бюджет қаражатының пайдаланылатын қалдықтары 17 832 545 мың теңге.