«Электр энергетикасы саласындағы тәуекел дәрежесін бағалау өлшемшарттарын және тексеру парағын бекіту туралы» Қазақстан Республикасы Энергетика министрінің 2019 жылғы 26 тамыздағы № 290 және Қазақстан Республикасы Ұлттық экономика министрінің 2019 жылғы 27 тамыздағы № 78 бірлескен бұйрығына өзгерістер мен толықтырулар енгізу туралы
Қазақстан Республикасы Энергетика министрінің 2021 жылғы 8 қаңтардағы № 4 және Қазақстан Республикасы Ұлттық экономика министрінің 2021 жылғы 12 қаңтардағы № 7 бірлескен бұйрығы
БҰЙЫРАМЫЗ:
1. «Электр энергетикасы саласындағы тәуекел дәрежесін бағалау өлшемшарттарын және тексеру парағын бекіту туралы» Қазақстан Республикасы Энергетика министрінің 2019 жылғы 26 тамыздағы № 290 және Қазақстан Республикасы Ұлттық экономика министрінің 2019 жылғы 27 тамыздағы № 78 бірлескен бұйрығына (Нормативтік құқықтық актілерді мемлекеттік тіркеу тізілімінде № 19323 болып тіркелген, Қазақстан Республикасы нормативтік құқықтық актілерінің эталондық бақылау банкінде 2019 жылғы 5 қырқүйекте жарияланған) мынадай өзгерістер мен толықтырулар енгізілсін:
Энергия өндіруші ұйымдарға қатысты тәуекел дәрежесін бағалаудың субъективті өлшемшарттарында:
Бақылау субъектісі (объектісі) ұсынатын есептілік пен мәліметтер мониторингінің нәтижелері бөлімі мынадай мазмұндағы реттік нөмірлері 11, 12, 13, 14, 15, 16, 17, 18 және 19-жолдармен толықтырылсын:
«
| 11 | Технологиялық бұзушылықтарды тексеру мерзімдерін бұзу (технологиялық бұзушылық туындаған сәттен бастап үш тәуліктен кешіктірмей басталады және комиссия құрылған сәттен бастап он жұмыс күні ішінде аяқталады). | Елеулі |
| 12 | Комиссия құрылған кезден бастап он жұмыс күні ішінде технологиялық бұзушылықты тергеп-тексеруді аяқтау мүмкін болмаған жағдайларда, тергеп-тексеруді ұзарту мерзімдерін бұзу (тергеп-тексеру мерзімдері күнтізбелік 30 күннен аспайтын мерзімге ұзартылады). | Елеулі |