Асыл тұқымды малды және тірі ірі қара малды мәжбүрліктен сою қағидаларын бекіту туралы
Қазақстан Республикасы Ауыл шаруашылығы министрінің 2025 жылғы 1 қазандағы № 345 бұйрығы
Қазақстан Республикасы Салық кодексінің 508-бабы 3-тармағы үшінші бөлігінің 1) тармақшасына және 509-бабы 5-тармағы үшінші бөлігінің 1) тармақшасына сәйкес БҰЙЫРАМЫН:
1. Қоса беріліп отырған Асыл тұқымды малды және тірі ірі қара малды мәжбүрліктен сою қағидалары бекітілсін.
2. «Асыл тұқымды жануарларды және тірі ірі қара малды амалсыз сою қағидаларын бекіту туралы» Қазақстан Республикасы Ауыл шаруашылығы министрінің 2023 жылғы 1 ақпандағы № 45 бұйрығының (Нормативтік құқықтық актілерді мемлекеттік тіркеу тізілімінде № 31879 болып тіркелген) күші жойылды деп танылсын.
3. Қазақстан Республикасы Ауыл шаруашылығы министрлігінің Ветеринариялық бақылау және қадағалау комитеті заңнамада белгіленген тәртіппен:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрық ресми жарияланғаннан кейін оның Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.
4. Осы бұйрықтың орындалуын бақылау жетекшілік ететін Қазақстан Республикасының ауыл шаруашылығы вице-министріне жүктелсін.
5. Осы бұйрық 2026 жылғы 1 қаңтардан бастап қолданысқа енгізіледі және ресми жариялануға тиіс.
| Қазақстан Республикасының Ауыл шаруашылығы министрі |
А. Сапаров |
Ауыл шаруашылығы министрі
2025 жылғы 1 қазандағы
№ 345 бұйрығымен бекітілген
Асыл тұқымды малды және тірі ірі қара малды мәжбүрліктен сою
қағидалары
1-тарау. Жалпы ережелер