Қаржы жоспарын жасау және қолма-қол ақша тасқынын болжамдау жөніндегі
нұсқаулықты бекіту туралы Қазақстан Республикасы Қаржы министрлігінің
1995 жылғы 18 қыркүйектегі № 239 бұйрығы
(ҚР Қаржы министрлігінің 05.06.96 ж. № 130;
19.02.02 ж. № 71 бұйрықтарымен енгізілген өзгерістерімен)
ҚР Үкіметінің 2005 жылғы 9 ақпандағы № 124 Қаулысымен қолданылуы жойылды
Бұрынғы редакцияларды қара
Қаржы жоспарын жасау және қолма-қол ақша тасқынын болжамдау жөніндегі осы бұйрыққа қоса тiркелiп отырған нұсқаулық бекітілсiн және ол 1995 жылғы 1 қарашадан бастап күшiне енгiзiлсiн.
Министрдiң бiрiншi
орынбасары
Қаржы жоспарын жасау және қолма-қол ақша
тасқынын болжамдау жөніндегі
Нұсқаулық
ҚР Қаржы министрiнiң 19.02.02 ж. № 71 бұйрығымен Нұсқаулықтың мәтіні өзгертілді (бұр. ред. қара)
I. Жалпы ережелер
ҚР Қаржы министрiнiң 05.06.95 ж. № 130 бұйрығымен 1-тармақ өзгертiлдi
1. Осы Нұсқаулық Қазақстан Республикасы Қаржы министрлігінiң шоттарындағы ақша қаражатын басқаруды ұйымдастыру Тәртібін айқындайды және қаржы жоспарын, қолма-қол ақша тасқынын болжамдау балансын жасаудың, Қазынашылық рұқсаттарын, министрлiктердiң (ведомстволардың) рұқсаттарын, министрлiк берген (ведомствоаралық) рұқсаттардың және төменгi бюджеттік қаржыларды бөлушiлер рұқсаттарын берудiң рәсiмiн белгiлейдi, сондай-ақ бюджетке түсетiн ақша қаражатын тиiмдi басқаруға, оны реттеп отыруға және мақсатты түрде ұтымды жұмсауға қызмет етедi.
2. Бюджет қаражаттары - белгiлi бiр мақсатты бағдарламаларды жүзеге асыру үшiн мемлекеттік, республикалық, жергiлiктi бюджеттерден бөлiнетiн ақша қаражаты.
3. Шетелдiк гранттар - қолма-қол ақшаларды көбейту немесе арнайы бағдарламаларды iске асыру мақсатында шетелдiк агенттiктерден немесе шет елдерден ақшалай немесе тауар түрiнде алынатын қаражат.
ҚР Қаржы министрiнiң 05.06.95 ж. № 130 бұйрығымен 4-тармақ өзгертiлдi