Қазақстан Республикасы Қаржы министрлігінiң 1999 жылғы 25 мамырдағы
№ 241 бұйрығына өзгерістер мен толықтырулар енгізу туралы
Қазақстан Республикасының Қаржы министрлігі
2000 ж. 20 қаңтардағы № 24 Бұйрығы
ҚР Қаржы министрлігінің 2004.14.12 ж. № 447 бұйрығымен күші жойылды
БҰЙЫРАМЫН:
1. "Мемлекеттік мекемелердiң шоттарын ашудың және жабудың тәртібі туралы нұсқаулықты бекіту туралы" Қазақстан Республикасы Қаржы министрлігінiң 1999 жылғы 25 мамырдағы № 241 бұйрығына мынадай өзгерістер мен толықтырулар енгiзілсiн:
көрсетiлген бұйрықпен бекітілген Мемлекеттік мекемелердiң шоттарын ашудың және жабудың тәртібі туралы нұсқаулықта:
2-тармақта:
4) тармақша мынадай редакцияда жазылсын:
"4) Депозиттік шот - мемлекеттік мекеменiң жұмсау құқығынсыз, мемлекеттік мекеменің уақытша иелік етуiне түсетiн және белгiлi бiр шарттар туындаған кезде мемлекеттік бюджетке есептеуге немесе қолданылып жүрген заңдарға сәйкес енгізушілерге, сондай-ақ атқарушы құжаттарды төлеу мақсатында сот орындаушыларының борышкерлерден, үшiншi тұлғалардан, борышкерлердiң тұмшаланған мүлiктерiн сатудан түсетiн ақшалай сомаларды қабылдау үшiн және оларды өндiрiп алушыларға беру үшiн аумақтық (облыстық, қалалық, аудандық) әдiлет органдарына қайтарылуға жататын қаражаттарды есептеу үшiн ашылатын шот.
Депозиттiк шот мемлекеттік мекемеге мемлекеттік бюджеттiң кiрiсiне тiкелей есептеуге жататын және енгізушілерге қайтарылуға жатпайтын қаражат үшiн ашылмайды.
Қазақстан Республикасы Iшкi iстер министрлігінiң Түзеу мекемелерiне және тергеу изоляторларына, Қазақстан Республикасы Денсаулық сақтау iстерi жөніндегі агенттiгiнiң Қатаң бақылаудағы республикалық психиатриялық ауруханаға депозиттiк шот сотталғандардың, қылмыс жасағанға күмәндiлер мен кiнәлiлердiң, психиатриялық ауруханадағы пациенттердiң жеке ақшасын есептеу үшiн және олардың бұл қаражатты заң актілерінде көзделген мынадай шығындарға:
азық-түлiк өнiмдерiн, бiрiншi қажеттi заттарды сатып алуға;