Қазақстан Республикасының ауылдық аумақтарын дамытудың 2004-2010 жылдарға
арналған мемлекеттік бағдарламасын iске асыру жөніндегі 2004-2006
жылдарға арналған iс-шаралар жоспары туралы Қазақстан Республикасы
Үкіметінің 2003 ж. 20 тамыздағы № 838 қаулысы
(2007.16.02. берілген өзгерістер мен толықтыруларымен)
Қазақстан Республикасы Президентінің "Қазақстан Республикасының ауылдық аумақтарын дамытудың 2004-2010 жылдарға арналған мемлекеттік бағдарламасы туралы" 2003 жылғы 10 шiлдедегi № 1149 Жарлығын iске асыру мақсатында Қазақстан Республикасының Үкіметі қаулы етеді:
1. Қоса берiлiп отырған Қазақстан Республикасының ауылдық аумақтарын дамытудың 2004-2010 жылдарға арналған мемлекеттік бағдарламасын iске асыру жөніндегі 2004-2006 жылдарға арналған iс-шаралар жоспары (бұдан әрi Іс-шаралар жоспары) бекітілсiн.
2. Қазақстан Республикасының орталық және жергiлiктi атқарушы органдары, өзге де мемлекеттік органдары және мүдделi ұйымдар (келісім бойынша):
1) Іс-шаралар жоспарын iске асыру жөнiнде шаралар қабылдасын;
ҚР Үкіметінің 2005.15.03. № 230 қаулысымен 2) тармақша өзгертілді (бұр. ред. қара)
2) тоқсан сайын есептi тоқсаннан кейiнгi айдың 20-күнiне Қазақстан Республикасының Ауыл шаруашылығы министрлігіне Iс-шаралар жоспарының орындалу барысы туралы ақпарат берсiн.
ҚР Үкіметінің 2005.15.03. № 230 қаулысымен 3- тармақ өзгертілді (бұр. ред. қара)
3. Қазақстан Республикасының Ауыл шаруашылығы министрлігі Қазақстан Республикасының Үкіметіне тоқсан сайын eceптi тоқсаннан кейiнгi екiншi айдың 1-күнiне іс-шаралар жоспарының орындалу барысы туралы жиынтық ақпарат берудi қамтамасыз етсiн.
4. Осы қаулының орындалуын бақылау Қазақстан Республикасы Премьер-Министрінің Кеңсесiне жүктелсін.
5. Осы қаулы қол қойылған күнінен бастап күшіне енеді.
Қазақстан Республикасының
Үкіметінің
2003 жылғы 20 тамыздағы
№ 838 қаулысымен
Бекітілген
ҚР Үкіметінің 04.03.04 ж. № 272; 2005.15.03. № 230 (бұр. ред. қара) ; ҚР Үкіметінің 2007.16.02 № 117 (бұр.ред. қара) қаулыларымен жоспар өзгертілді
Қазақстан Республикасының ауыл аумақтарын
дамытудың 2004-2010 жылдарға арналған мемлекеттік
бағдарламасын iске асыру жөніндегі 2004-2006
жылдарға арналған iс-шаралар жоспары