"2004 жылға арналған республикалық бюджет туралы" Қазақстан
Республикасының Заңын iске асыру туралы Қазақстан Республикасы
Үкіметінің 2003 жылғы 12 желтоқсандағы № 1260 қаулысы
(ҚР Үкіметінің 31.12.03 ж. № 1388; 27.03.04 ж. № 371; 10.04.04 ж. № 402;
13.04.04 ж. № 409; 14.05.04 ж. № 541; 24.05.04 ж. № 574; 25.05.04 ж. N
583; 15.06.04 ж. № 653; 23.06.04 ж. № 694; 21.06.04 ж. № 684-1; 30.07.04
ж. № 806; 02.08.04 ж. № 813; 11.08.04 ж. № 837; 12.08.04 ж. № 847;
19.08.04 ж. № 870; 14.10.04 ж. № 1051; 19.10.04 ж. № 1076; 30.11.04 ж. N
1242; 10.12.04 ж. № 1299; 2004.24.12. № 1366; 2004.09.12. № 1293;
2004.24.12. № 1378 қаулыларымен енгізілген өзгерістерімен)
Қазақстан Республикасының Үкіметі қаулы етеді:
ҚР Үкіметінің 23.06.04 ж. № 694 қаулысымен 1-тармақ өзгертілді (бұр. ред. қара)
1. 1-қосымшаға сәйкес:
кiрiстер бойынша - 847 823 861 мың теңге сомасында;
алынған ресми трансферттер бойынша - 69 870 048 мың теңге;
кредиттердi қайтару бойынша - 16 612 646 мың теңге;
шығындар бойынша - 977 897 923 мың теңге;
кредиттер бойынша - 49 071 632 мың теңге;
республикалық бюджет тапшылығының шектi мөлшерi - 92663000 мың теңге, немесе елдiң жалпы iшкi өнiмiнiң болжамды көлемiне 1,8 процент болатын 2004 жылға арналған республикалық бюджет атқаруға қабылдансын.
2. Қoca берiлiп отырған 2-қосымшаға сәйкес инвестициялық жобаларды iске асыруға бағытталған 2004 жылға арналған республикалық бюджеттік даму бағдарламаларының тiзбесi бекітілсiн.
3. Қазақстан Республикасының Экономика және бюджеттік жоспарлау министрлігі:
1) 2004 жылғы 17 ақпанға дейiнгi мерзiмде "Қазақстан Республикасының әлеуметтiк-экономикалық дамуының 2004-2006 жылдарға арналған индикативтiк жоспары туралы" Қазақстан Республикасы Үкіметінiң 2003 жылғы 12 қыркүйектегi № 926 қаулысына мемлекеттік және салалық (секторалдық) бағдарламалар мен инвестициялық жобалар тiзбелерiн нақтылау бөлiгiнде өзгерістер мен толықтырулар енгізу туралы шешiмнiң жобасын заңнамада белгiленген тәртiппен Қазақстан Республикасының Үкіметіне енгiзсiн;
2) 2004 жылғы 1 ақпанға дейiнгi мерзiмде республикалық инвестициялық жобалардың техникалық-экономикалық негiздемелерiн әзiрлеудi және оларға сараптамалар жүргiзудi қаржыландыру тәртібін бекіту туралы шешiмнiң жобасын әзiрлесiн және заңнамада белгiленген тәртiппен Қазақстан Республикасының Үкіметіне енгiзсiн;
3) 2004 жылғы 1 наурызға дейiнгi мерзiмде техникалық-экономикалық негiздемелерiн әзiрлеу және оларға сараптамалар жүргiзу республикалық бюджет қаражаты есебiнен жүзеге асырылатын республикалық инвестициялық жобалардың тiзбесiн бекіту туралы шешiмнiң жобасын әзiрлесiн және заңнамада белгiленген тәртiппен Қазақстан Республикасының Үкіметіне енгiзсiн;
4) 2004 жылғы 15 қаңтарға дейiнгi мерзiмде облыстық бюджеттерге, Астана және Алматы қалаларының бюджеттерiне шағын қалаларды, соның iшiнде экономикасы күйзелiске ұшыраған қалаларды дамытуға қаражат бөлу туралы шешiмнiң жобасын әзiрлесiн және заңнамада белгiленген тәртiппен Қазақстан Республикасының Үкіметіне енгiзсiн.
4. Қазақстан Республикасының Iшкi iстер министрлігі 2003 жылғы 20 желтоқсанға дейiнгi мерзiмде облыстық бюджеттерге, Астана және Алматы қалаларының бюджеттерiне полицияның учаскелiк инспекторларының ақшалай ризығын ұлғайтуға және оларды материалдық-техникалық жарақтандыруға қаражат бөлу туралы шешiмнiң жобасын әзiрлесiн және заңнамада белгiленген тәртiппен Қазақстан Республикасының Үкіметіне енгiзсiн.
ҚР Үкіметінің 27.03.04 ж. № 371 қаулысымен 5-тармақ өзгертілді
5. Қазақстан Республикасының Ауыл шаруашылығы министрлігі:
1) мыналарға:
су берумен байланысты емес республикалық су шаруашылығы объектілерін пайдалануға;
шаруашылықаралық арналар мен гидромелиоративтiк құрылыстардың апатты учаскелерiн күрделi жөндеу мен қалпына келтiруге бағытталған қаражатты бөлу туралы шешiмдi әзiрлесiн және бекiтсiн;
2) 2004 жылғы 1 ақпанға дейiнгi мерзiмде:
тұқым шаруашылығын дамытуды қолдауға қаражат төлеу;
асыл тұқымды мал шаруашылығын дамытуды қолдауға қаражат төлеу;
өндiрiлетiн ауыл шаруашылығы дақылдарының шығымдылығы мен сапасын арттыруды қолдауға қаражат төлеу;
ауыл шаруашылығы тауарларын өндiрушiлерге су жеткізу жөнiнде көрсетiлетiн қызметтер құнын субсидиялау;
екiншi деңгейдегi банкiлер ауыл шаруашылығы өнiмiн қайта өңдейтiн кәсiпорындарға олардың айналым қаражатын толықтыруға беретiн кредиттер бойынша сыйақы (мүдде) ставкасын субсидиялау;
ауыл шаруашылығы жануарларының саны аз және жойылып бара жатқан тұқымдарының, түрлерi мен топтарының тектiк қорын сақтау мен қалпына келтiруге қаражат төлеу;
астықты және оны сақтау мен тасымалдау жөніндегі қызметтер көрсетудi мемлекеттік сатып алуды ұйымдастыру және жүргiзу;
республика меншiгiне жататын ауыз сумен жабдықтаудың баламасыз көздерi болып табылатын сумен жабдықтаудың аса маңызды топтық жүйелерiнен алынатын ауыз суды беру бойынша қызметтер көрсету құнын субсидиялау;
көктемгi егiс және жиын-терiм жұмыстарын жүргiзудi ұйымдастыруға жергiлiктi атқарушы органдарға кредит беру;
сондай-ақ, сыйақы (мүдде) ставкасын өтеу тәртібін де көздейтiн лизингтiк негiзде ауыл шаруашылығы техникасымен қамтамасыз етуге кредит беру;
ауылдық кредиттiк серiктестiктерi жүйесi арқылы ауыл шаруашылығы өндiрiсiне кредит беру;
сондай-ақ, сыйақы (мүдде) ставкасын өтеу тәртібін көздейтiн ауыл шаруашылығы өнiмдерiн қайта өңдеу жөніндегі кәсiпорындар үшiн жабдықтар лизингiне кредит беру ережелерiн әзiрлесiн және заңнамада белгiленген тәртiппен Қазақстан Республикасының Үкіметіне енгiзсiн;
мал шаруашылығы өнiмiн мемлекеттік сатып алуды ұйымдастыру және жүргiзу.
6. Қазақстан Республикасының Ауыл шаруашылығы, Білім және ғылым, Денсаулық сақтау министрлiктерi Қазақстан Республикасының Экономика және бюджеттік жоспарлау министрлігімен келісім бойынша 2004 жылғы 1 ақпанға дейiнгi мерзiмде 2-қосымшаға сәйкес заңнамада белгiленген тәртiппен бекітілген, ауыз сумен қамтамасыз ету, гидротехникалық құрылыстар, білім беру және денсаулық сақтау объектілерін салуға және қайта жөндеуге бағытталған инвестициялық жобалар бойынша жобалау-сметалық құжаттамаларды бекіту туралы шешiмдердi бекітсін.
ҚР Үкіметінің 15.06.04 ж. № 653 қаулысымен 7-тармақ жаңа редакцияда (бұр. ред. қара)
7. Қазақстан Республикасының Көлiк және коммуникациялар министрлігі:
1) 2004 жылғы 15 қаңтарға дейiнгi мерзiмде "Қазақстан темір жолы" ұлттық компаниясы" жабық акционерлік қоғамының теңгерiмiнен берiлген жалпы білiм беру оқу орындарының жұмыс iстеуiн қамтамасыз етуге 2004 жылға арналған республикалық бюджетте көзделген облыстық бюджеттерге, Астана және Алматы қалаларының бюджеттерiне қаражат бөлу туралы шешiмдердiң жобаларын әзiрлесiн және заңнамада белгiленген тәртiппен Қазақстан Республикасының Үкіметіне енгiзсiн;
2) заңнамада белгiленген тәртiппен 2004 жылғы 1 шiлдеге дейiнгi мерзiмде "Қазақстан темір жолы" ұлттық компаниясы" жабық акционерлік қоғамы бекiткен нысан бойынша жасалған әскери тасымалдар жөніндегі оның шығындарын өтеу жөніндегі кредиторлық берешек тiзiлiмiнiң негiзiнде 024 "Мемлекетаралық әскери тасымалдар жөніндегі өткен жылдардың мiндеттемелерiн орындау" республикалық бюджеттік бағдарламасы бойынша "2004 жылға арналған республикалық бюджет туралы" Заңда көзделген қаражат шегiнде "Қазақстан темір жолы" ұлттық компаниясы" акционерлік қоғамының алдындағы кредиторлық берешектi өтесiн. "Қазақстан темір жолы" ұлттық компаниясы" акционерлік қоғамының есеп шотына қаражат аудару үшiн "Қазақстан темір жолы" республикалық мемлекеттік кәсiпорнын "Қазақстан темір жолы" ұлттық компаниясы" акционерлік қоғамына мемлекеттік қайта тiркеу туралы куәлiктердің, дебиторлық берешектi толығымен жазып есептi қаржы жылының бухгалтерлiк теңгерiмi мен айналым теңгерiмiнiң, Қазақстан Республикасының Қаржы министрлігі Қаржылық бақылау комитетiнiң "Қазақстан темір жолы" республикалық мемлекеттік кәсiпорны көрсеткен мемлекетаралық әскери тасымалдар жөніндегі қызметтер көрсетуiнiң құнын тексеру актілерінiң және Қазақстан Республикасының аумағы бойынша мемлекетаралық әскери тасымалдарды жүзеге асыруды растайтын "Қазақстан темір жолы" республикалық мемлекеттік кәсiпорны мен Қазақстан Республикасының Iшкi iстер министрлігі арасындағы салыстыру актілерінiң көшiрмелерiн қоса бере отырып, "Қазақстан темір жолы" ұлттық компаниясы" акционерлік қоғамының әскери тасымалдар шығындарын өтеу жөніндегі кредиторлық берешектiң тiзiлiмiн жасасын.
8. Қазақстан Республикасының Қаржы министрлігі:
1) 2004 жылғы 1 шiлдеге дейiнгi мерзiмде "2004 жылға арналған республикалық бюджет туралы" Қазақстан Республикасы Заңының 45-бабына сәйкес ұйымдар тiзбесi мен берешек көлемiн айқындау туралы шешiмнiң жобасын әзiрлесiн және заңнамада белгiленген тәртiппен Қазақстан Республикасының Үкіметіне енгiзсiн;
2) ай сайын, есептi айдан кейiнгi айдың 25 күнiне дейiнгi мерзiмде Қазақстан Республикасының Экономика және бюджеттік жоспарлау министрлігіне инвестициялық жобалар бөлiнiсiнде 2-қосымшаға сәйкес республикалық бюджеттік даму бағдарламаларының атқарылуы туралы ақпарат ұсынып отырсын.
9. Қазақстан Республикасының Білім және ғылым министрлiгі 2004 жылғы 15 қаңтарға дейiнгi мерзiмде 2004 жылға арналған республикалық бюджетте:
1) мемлекеттік білім беру ұйымдарының үлгi штаттарын ұстауды қамтамасыз етуге;
2) жаңадан iске қосылатын білім беру объектілерін ұстауға;
3) патронат тәрбиешiлерге берiлген баланы (балаларды) асырауға арналған ақшалай қаражат төлеуге;
4) жергiлiктi бюджеттен қаржыландырылатын мамандандырылған білім беру ұйымдарында оқитын, есту және көру қабiлетi бұзылған мүгедек балаларды сурдо- және тифлоқұралдармен қамтамасыз етуге көзделген мақсатты трансферттердi Қазақстан Республикасының Үкіметі бекiтетiн тәртiпке және тiзбеге сәйкес облыстық бюджеттерге, Астана және Алматы қалаларының бюджеттерiне бөлу туралы шешiмнiң жобасын әзiрлесiн және заңнамада белгiленген тәртiппен Қазақстан Республикасының Үкіметіне енгiзсiн.
10. Қазақстан Республикасының Білім және ғылым министрлігі Қазақстан Республикасының Денсаулық сақтау министрлігімен бірлесiп, 2004 жылғы 15 қаңтарға дейiнгi мерзiмде 2004 жылға арналған республикалық бюджетте орта кәсiптiк оқу орындарында жергiлiктi атқарушы органдардың мемлекеттік тапсырысы негiзiнде оқитын студенттер стипендияларының мөлшерiн ұлғайтуға көзделген қаражатты облыстық бюджеттерге, Астана және Алматы қалаларының бюджеттерiне бөлу туралы шешiмнiң жобасын әзiрлесiн және заңнамада белгiленген тәртiппен Қазақстан Республикасының Үкіметіне енгiзсiн.
11. Қазақстан Республикасының Денсаулық сақтау министрлігі 2004 жылғы 15 қаңтарға дейiнгi мерзiмде 2004 жылға арналған республикалық бюджетте жаңадан iске қосылатын денсаулық сақтау объектілерін ұстауға көзделген қаражатты облыстық бюджеттерге, Астана және Алматы қалаларының бюджеттерiне бөлу туралы шешiмнiң жобасын әзiрлесiн және заңнамада белгiленген тәртiппен Қазақстан Республикасының Үкіметіне енгiзсiн.
ҚР Үкіметінің 23.06.04 ж. № 694 қаулысымен 11-1-тармақпен толықтырылды
11-1. Қазақстан Республикасының Индустрия және сауда министрлігі екi апта мерзiмде мемлекеттік коммуналдық тұрғын үй қорының тұрғын үйлерiн салуға мақсатты инвестициялық трансферттердiң бөлiнуi және оларды облыстық бюджеттердiң, Астана және Алматы қалалары бюджеттерiнiң пайдалану тәртібі туралы шешiмнiң жобасын әзiрлесiн және заңнамада белгiленген тәртiппен Қазақстан Республикасының Үкіметіне енгiзсiн.
ҚР Үкіметінің 23.06.04 ж. № 694 қаулысымен 11-1-тармақпен толықтырылды
11-2. Қазақстан Республикасының Қаржы министрлігі Қазақстан Республикасының Индустрия және сауда министрлігімен бірлесiп екi апта мерзiмде Тұрғын үй саясатын iске асыру шеңберiнде тұрғын үй салу үшiн жергiлiктi атқарушы органдарға нөлдiк сыйақы (мүдде) ставкасы бойынша кредит беру ережесін әзiрлесiн және заңнамада белгiленген тәртiппен Қазақстан Республикасының Үкіметіне енгiзсiн.
12. Жергiлiктi атқарушы органдар тегiн медициналық көмектiң кепiлдiк берiлген көлемiн көрсетуге арналған қосымша шығыстардың қаражатын мынадай мақсаттарға бағыттасын:
1) заңнамаға сәйкес амбулаториялық емделу кезiнде онкологиялық, психоневрологиялық, жұқпалы, терi-венерологиялық аурулармен, туберкулезбен (республикалық бюджет қаражаты есебiнен сатып алынатын туберкулезге қарсы препараттарды қоспағанда), алкоголизммен, нашақорлықпен ауыратындарды, терапевтiк және хирургиялық аурулармен ауыратын балаларды, сондай-ақ бір жасқа дейiнгi балаларды дәрiмен қамтамасыз ету;
2) гемофилиямен ауыратын балаларды қан ұйыту факторларымен қамтамасыз ету;
3) жүктi әйелдердi жатыр iшіндегі инфекциясына, шарананың өсiп жетiлуіндегі туабiттi ауытқуларына, жыныстық жолмен берiлетiн инфекцияларға тексерудi қамтамасыз ету;
4) тұрақты көмек көрсететiн ауылдық денсаулық сақтау ұйымдарында ауруларды дәрi-дәрмек құралдарымен қамтамасыз ету;
5) жалпы білім беретiн мектептердiң 9-10 сыныптарының оқушылары және кәсiптiк мектептер мен колледждерде оқитын жастардың есiрткi және психотроптық заттарды пайдалануы мәнiне зерттеу жүргізу;
6) онкодиспансерлердi қуық асты безiнiң обырын ерте диагностикалауға арналған жабдықтармен жарақтандыру.
13. Қазақстан Республикасының Мемлекеттік қызмет iстерi жөніндегі агенттiгi (келісім бойынша) 2004 жылғы 1 наурызға дейiнгi мерзiмде Астана қаласында орталық мемлекеттік органдардың және мемлекеттік мекемелердiң қызметкерлерi үшiн тұрғын үй салуға және сатып алуға үлестiк қатысуға бөлiнетiн қаражатты пайдалану туралы шешiмнiң жобасын әзiрлесiн және заңнамада белгiленген тәртiппен Қазақстан Республикасының Үкіметіне енгiзсiн.
14. Қазақстан Республикасының Мемлекеттік материалдық резервтep жөніндегі агенттiгi 2004 жылғы 1 ақпанға дейiнгi мерзiмде Мемлекеттік материалдық резервтiң дизель отынының нормативтен тыс қорын сатып алу ережесін бекіту туралы шешiмнiң жобасын әзiрлесiн және заңнамада белгiленген тәртiппен Қазақстан Республикасының Үкіметіне енгiзсiн.
15. Қазақстан Республикасы Президентінің Iс басқармасы (келісім бойынша) 2004 жылғы 1 наурызға дейiнгi мерзiмде 009 "Мемлекеттік органдар үшiн автомашиналар паркін жаңарту" деген республикалық бюджеттік бағдарламаны iске асыру мақсатында мемлекеттік органдардың тiзбесi мен сатып алынатын техниканың санын бекіту туралы шешiмнiң жобасын әзiрлесiн және заңнамада белгiленген тәртiппен Қазақстан Республикасының Үкіметіне енгiзсiн.
16. Ақтөбе, Батыс Қазақстан, Қостанай және Павлодар облыстарының әкiмдерi 2004 жылғы 1 ақпанға дейiнгi мерзiмде тиiстi келісімдердi жасаса отырып, Қазақстан Республикасының Қаржы министрлігімен бірлесiп, заңнамада белгiленген тәртiппен "2004 жылға арналған республикалық бюджет туралы" Қазақстан Республикасы Заңының 21-бабына сәйкес борышты өтеудi қамтамасыз етсiн.
17. Жергiлiктi атқарушы органдар 2004 жылғы 1 ақпанға дейiнгi мерзiмде 2-қосымшада көзделген білім беру және денсаулық сақтау объектілерін салуға және қайта жөндеуге арналған конкурстық рәсiмдердi заңнамада белгiленген тәртiппен жариялауды қамтамасыз етсiн.
18. Алматы қаласының әкімі Қазақстан Республикасының Денсаулық сақтау, Білім және ғылым, Экономика және бюджеттік жоспарлау министрлiктерiмен келісім бойынша 2004 жылғы 15 наурызға дейiнгi мерзiмде республикалық бюджеттен Алматы қаласының денсаулық сақтау және білім беру объектілерін сейсмикалық күшейту үшiн көзделген қаражатты бөлу туралы шешiмдердi бекiтсiн.
19. Орталық атқарушы органдар Қазақстан Республикасының Үкіметіне 2004 жылғы 1 ақпанға дейiнгi мерзiмде Қазақстан Республикасы Үкіметінiң бұрын қабылданған шешiмдерiн осы қаулыға сәйкес келтiру туралы ұсыныстар енгiзсiн.
21. Осы қаулы қол қойылған күнінен бастап күшіне енеді.
Қазақстан Республикасының