"Өсiмдiк шаруашылығындағы мiндеттi сақтандыру туралы" Қазақстан
Республикасының Заңын iске асыру жөніндегі шаралар туралы Қазақстан
Республикасы Премьер-Министрінің 2004 жылғы 5 мамырдағы № 134-ө өкімі
ҚР Премьер-Министрінің 2004 жылғы 30 желтоқсандағы № 383-ө Өкімімен күші жойылды
1. Қоса берiлiп отырған "Өсiмдiк шаруашылығындағы мiндеттi сақтандыру туралы" Қазақстан Республикасының Заңын iске асыру мақсатында қабылдануы қажет Қазақстан Республикасы Үкіметінiң нормативтiк құқықтық кесiмдерiнiң тiзбесi (бұдан әрi - тiзбе) бекітілсiн.
2. Қазақстан Республикасының Ауыл шаруашылығы министрлігі:
1) тiзбеге сәйкес нормативтiк құқықтық кесiмдердiң жобаларын әзiрлесiн және Қазақстан Республикасы Үкіметінiң бекітуiне енгiзсiн;
2) екi ай мерзiмде "Өсiмдiк шаруашылығындағы мiндеттi сақтандыру туралы" Қазақстан Республикасының Заңын iске асыру мақсатында тиiстi ведомстволық нормативтiк құқықтық кесiмдердi қабылдасын және қабылданған шаралар туралы Қазақстан Республикасының Үкіметіне хабардар етсiн.