"Мүгедектерді әлеуметтік қамсыздандыру мәселелері жөніндегі
нормативтік-құқықтық актілерді іске асыру шаралары туралы" Қазақстан
Республикасы Еңбек және халықты әлеуметтік қорғау министрінің міндетін
атқарушы 2002 жылғы 1 тамыздағы № 174-ө бұйрығына өзгерістер мен
толықтырулар енгізу туралы Қазақстан Республикасы Еңбекті және халықты
әлеуметтік қорғау министрінің 2004 жылғы 8 қазандағы № 228-ө бұйрығы
ҚР Еңбек және халықты әлеуметтік қорғау министрлігінің 2005.05.08. № 210-ө Бұйрығымен күші жойылды
Келісілді:
Қазақстан Республикасының
Денсаулық сақтау министрінің
міндетін атқарушы
2004 жылдың 8 қазан
"Міндетті әлеуметтік сақтандыру туралы" Қазақстан Республикасы Заңының 21-бабы 3-тармағын іске асыру мақсатында БҰЙЫРАМЫН:
1. "Мүгедектерді әлеуметтік қамсыздандыру мәселелері жөніндегі нормативтік-құқықтық актілерді іске асыру шаралары туралы" Қазақстан Республикасы Еңбек және халықты әлеуметтік қорғау министрлігінің 2002 жылғы 1 тамыздағы № 174-ө бұйрығына (Нормативтік құқықтық актілердің мемлекеттік тіркелу реестрінде № 1937 тіркелінген, Қазақстан Республикасының орталық атқарушы және өзге де мемлекеттік органдарының нормативтік-құқықтық актілері бюллетенінде жарияланған, 2002 жыл, № 34, 675-құжат) мынадай өзгерістер мен толықтырулар енгізілсін:
аталған бұйрықпен бекітілген Мүгедектікті куәландырудың, оның себептерін, топтарын және еңбек ету қабілетін жоғалту дәрежесін анықтаудың ережесіне:
1-тармақта "сәйкес әзірленген" деген сөздердің алдынан "Қазақстан Республикасының Азаматтық кодексіне, "Еңбек қауіпсіздігі және еңбекті қорғау туралы" Қазақстан Республикасының Заңына, "Міндетті әлеуметтік сақтандыру туралы" Қазақстан Республикасының Заңына" деген сөздермен толықтырылсын;