Фосфор және оның бейорганикалық қосындыларын өндіруге арналған өнеркәсіптік қауіпсіздік талаптары (Қазақстан Республикасы Төтенше жағдайлар министрінің 2007 жылғы 19 қыркүйектегі № 141 бұйрығымен бекітілген) (2009.21.10. берілген өзгерістермен) (күші жойылды)

ҚР Ішкі істер министрінің 2015 жылғы 4 желтоқсандағы № 993 бұйрығымен күші жойылды

Қазақстан Республикасы

Төтенше жағдайлар министрінің

2007 жылғы 19 қыркүйектегі

№ 141 бұйрығымен

бекітілген

ҚР Төтенше жағдайлар министрінің 2009.21.10. № 244 бұйрығымен барлық мәтін бойынша «Ереже» сөзі «Талап» сөзімен алмастырылды (бұр.ред.қара)

Фосфор және оның бейорганикалық қосындыларын өндіруге арналған өнеркәсіптік

қауіпсіздік талаптары

(2009.21.10. берілген өзгерістермен)

1. Жалпы талаптар

1-тарау. Өнеркәсіп аумағы

2-тарау. Ғимараттар мен құрылыстар

3-тарау. Технологиялық бөлім

4-тарау. Санитарлық-техникалық жүйелер

5-тарау. Қуатты электр жабдығы және электрмен қамтамасыз ету

6-тарау. Қосалқы ғимараттар мен үй-жайлар

8-тарау. Пайдалану талаптары

1. Жалпы талаптар

1. Осы Талап бейорганикалық қосындыларды өндіруге арналған өнеркәсіптік қауіпсіздік талаптарын анықтайтын техникалық нормаларды қарастырады:

1) сары фосфор;

2) бескүкіртті фосфор;

3) мырыш фосфиді;

4) күйдірілген фосфор қышқылы;

5) құрамына шикізаттардың бірі ретінде қарапайым фосфор енетін, фосфордың басқа да қосындылары өндірістерін пайдаланатын ұйымдарда қолданылады.

2. Осы Талапқа сай фосфор және оның қосындыларының өндірісін пайдаланатын ұйымдарда:

1) қауіпті өндірістік нысандарда құрылыс жүргізу, өндірісті кеңейту, қайта құру, техникалық қайта жабдықтау, уақытша сақтап қою және жою жобалық құжаттары;

2) резервуарлардың, технологиялық жабдықтардың, құбыр жолдарының, құбыр тетіктерінің, сақтандырғыш құрылғылардың, бақылау және басқару жүйелерінің аспаптарының, ғимараттар мен имараттардың төл құжаттары болады.