(БҰРЫНҒЫ РЕДАКЦИЯ)

“Сақтандыру (қайта сақтандыру) ұйымдарының Қазақстан Республикасының
екінші деңгейдегі банктеріндегі банк шоттарындағы қалдықтары туралы есепті
екінші деңгейдегі банктердің ұсыну нысаны мен мерзімін бекіту туралы”
Қазақстан Республикасы Қаржы нарығын және қаржы ұйымдарын реттеу
мен қадағалау агенттігі Басқармасының 2005 жылғы 28 мамырдағы № 162 Қаулысы

Осы редакция  2005 ж. 27 тамыздағы  енгізілген өзгерістеріне   дейін  қолданылды

"Қаржы рыногы мен қаржылық ұйымдарды мемлекеттік реттеу және қадағалау туралы" Қазақстан Республикасы Заңының 9-бабына, "Қазақстан Республикасындағы банктер және банк қызметі туралы" Қазақстан Республикасы Заңының 54-бабының 1-1-тармағына сәйкес және нормативтік құқықтық актілерді Қазақстан Республикасының заңдарына сәйкес келтіру мақсатында Қазақстан Республикасы Қаржы нарығын және қаржы ұйымдарын реттеу мен қадағалау агенттігінің (бұдан әрі - Агенттік) Басқармасы ҚАУЛЫ ЕТЕДІ:

1. Осы қаулының қосымшасына сай Сақтандыру (қайта сақтандыру) ұйымдарының Қазақстан Республикасының екінші деңгейдегі банктеріндегі (бұдан әрі - банктер) банк шоттарындағы қалдықтары туралы есептің нысаны бекітілсін.

2. Банктер ай сайын қаржы рыногын және қаржы ұйымдарын реттеу мен қадағалау жөніндегі уәкілетті органға электрондық байланыс арқылы және банктің мөрімен куәландырылған, банктің бірінші басшысы және бас бухгалтері немесе олардың орнындағы адамдар қол қойған қағаз тасымалдаушысында есепті айдан кейінгі айдың бесінші жұмыс күнінен, Астана қаласының уақытымен сағат 18.00-ден кешіктірмей, осы қаулының қосымшасына сай нысан бойынша есепті ұсынады.