«Тәуелсіз сараптама жүргізу ережесін бекіту туралы» Қазақстан Республикасы Денсаулық сақтау министрлігінің 2006 жылғы 22 желтоқсандағы № 638 бұйрығы (күші жойылды)

Тәуелсіз сараптама жүргізу ережесін бекіту туралы
 Қазақстан Республикасы Денсаулық сақтау министрлігінің 2006 жылғы 22 желтоқсандағы № 638 бұйрығы

ҚР Денсаулық сақтау министрінің м.а. 2009 жылғы 9 қарашадағы № 672 Бұйрығымен күші жойылды

«Денсаулық сақтау жүйесі туралы» Қазақстан Республикасының Заңына сәйкес БҰЙЫРАМЫН:

1. Қоса беріліп отырған Тәуелсіз сараптама жүргізу ережесі бекітілсін.

2. Қазақстан Республикасы Денсаулық сақтау министрлігі Медициналық қызмет көрсету саласындағы бақылау комитеті (Е.М. Мусин) осы бұйрықты Қазақстан Республикасының Әділет министрлігіне мемлекеттік тіркеуге жіберсін.

3. Қазақстан Республикасы Денсаулық сақтау министрлігінің Ұйымдастыру-құқықтық қамтамасыз ету департаменті (Д.В. Акрачкова) осы бұйрық мемлекеттік тіркеуден өткеннен кейін оны заңнамада белгіленген тәртіппен ресми жариялануын қамтамасыз етсін.

4. Осы бұйрықтың орындалуын бақылауды өзіме қалдырамын.

5. Осы бұйрық ресми жарияланған күнінен бастап қолданысқа енгізіледі.

Министрдің

міндетін атқарушы

Қазақстан Республикасы

Денсаулық сақтау министрі

міндетін атқарушының

2006 жылғы 22 желтоқсандағы

№ 638 бұйрығымен

Бекітілген

Тәуелсіз сараптама жүргізу ережесі

1. Жалпы ережелер

1. Осы Ереже «Денсаулық сақтау жүйесі туралы» Қазақстан Республикасының Заңына сәйкес әзірленді және медициналық қызмет көрсету саласында медициналық қызметті жүзеге асыратын жеке және заңды тұлғалардың қызметіне тәуелсіз сараптама жүргізу тәртібін айқындайды.

2. Тәуелсіз сараптама Қазақстан Республикасының заңнамалық актілеріне, заңға тәуелді нормативтік құқықтық актілерге және осы Ережеге сәйкес жүргізіледі.