(БҰРЫНҒЫ РЕДАКЦИЯ) ҚР ДЕНСАУЛЫҚ САҚТАУ МИНИСТРІНІҢ 2009.16.11 № 712 ...

Аккредиттеу жөніндегі комиссияның ережесін бекіту туралы
Қазақстан Республикасы Денсаулық сақтау министрінің 2009 жылғы 16 қарашадағы № 712 бұйрығы

Осы редакция 2011 жылғы 3 қарашада енгізілген өзгерістеріне дейін қолданылды

«Халық денсаулығы және денсаулық сақтау жүйесі туралы» Қазақстан Республикасының Кодексіне және «Денсаулық сақтау саласында аккредиттеу ережесін бекіту туралы» Қазақстан Республикасы Үкіметінің 2009 жылғы 12 қазандағы қаулысына сәйкес Бұйырамын:

1. Осы бұйрыққа қосымшаға сәйкес аккредиттеу жөніндегі комиссияның ережесі бекітілсін.

2. Осы бұйрықтың орындалуын бақылау Қазақстан Республикасы Денсаулық сақтау вице-министрі Т.А.Вощенковаға жүктелсін.

3. Осы бұйрық қол қойылған күнінен бастап күшіне енеді.

Қазақстан Республикасы

Денсаулық сақтау министрінің

2009 жылғы 16 қарашадағы

№ 712 бұйрығына

қосымша

Аккредиттеу жөніндегі комиссияның

ережесі

1. Жалпы ережелер

1. Аккредиттеу жөніндегі комиссияның (бұдан әрі - Комиссия) ережесі «Халық денсаулығы және денсаулық сақтау жүйесі туралы» Қазақстан Республикасының 2009 жылғы 18 қыркүйектегі кодексіне және «Денсаулық сақтау саласында аккредиттеу ережесін бекіту туралы» Қазақстан Республикасы Үкіметінің 2009 жылғы 12 қазандағы № 1559 қаулысына сәйкес әзірленді және Комиссия жұмысын регламенттейді.

2. Аккредиттеу комиссиясының жұмысын Қазақстан Республикасы Денсаулық сақтау министрлігінің Медициналық және фармацевтикалық қызметті бақылау комитеті (бұдан әрі - аккредиттеуші орган) немесе денсаулық сақтау саласындағы уәкілетті орган аккредиттеген ұйым қамтамасыз етеді.