Қазақстан Республикасында жерүстi телерадио хабарларын тарату құқығын
алуға конкурс өткізудiң Ережесін бекіту туралы Қазақстан
Республикасының Мәдениет, ақпарат және қоғамдық келісім
министрлігінің 2002 ж. 12 ақпандағы № 32 бұйрығы
Осы редакция 2005 ж. 10 қарашадағы енгізілген өзгерістеріне дейін қолданылды
Жерүстi телерадио хабарларын тарату жұмысы үшiн бөлiнген шектеулi мемлекеттік ресурс-радиожиiлiк спектрiн тиiмдi пайдалануды арттыру, телерадиобағдарламаларға деген халықтың сұранысын барынша толық қанағаттандыру және Қазақстан Республикасы Үкіметінiң 2002 жылғы 11 ақпандағы "Қазақстан Республикасында жерүстi телерадио хабарларын тарату құқығын алуға конкурс өткізу жөніндегі Комиссияны құру туралы" № 203 қаулысының 2-тармағын орындау мақсатында бұйырамын:
1. Қоса берiлiп отырған Қазақстан Республикасында жерүстi телерадио хабарларын тарату құқығын алуға конкурс өткізу Ережесi бекітілсiн.
2. Осы бұйрық Қазақстан Республикасының Әдiлет министрлігінде мемлекеттік тіркеуден өткен күннен бастап күшіне енеді.
3. Осы бұйрықтың орындалуын бақылау вице-министр А. Досжанға жүктелсін.
| Мәдениет, ақпарат | Келісілдi |
| және қоғамдық келісім | Көлік және коммуникация |
| министрінің міндетін атқарушы | бірінші вице-министрі |
Қазақстан Республикасының
Мәдениет, ақпарат және
қоғамдық келісім министрінің
2002 жылғы 12 ақпандағы
№ 32 бұйрығымен бекітiлген
Қазақстан Республикасында жерүстi телерадио хабарлары
тарату құқығын алуға конкурс өткізу
Ережесi
1. Жалпы ережелер
1. Осы Ереже жерүстi телерадио хабарларын тарату құқығын алуға конкурс (бұдан әрi - конкурс) өткізудiң Ережесi мен оған заңды/жеке тұлғалардың қатысу шарттарын айқындайды.
