Жинақталған зейнетақы қаражатын жинақтаушы зейнетақы қорларынан аудару
ережесін бекіту туралы Қазақстан Республикасының Қаржы рыногын және
қаржылық ұйымдарды реттеу мен қадағалау жөніндегі агенттігі
басқармасының 2004 жылғы 24 мамырдағы № 146 қаулысы
Осы редакция 2005 ж. 24 желтоқсандағы енгізілген өзгерістеріне дейін қолданылды
"Қазақстан Республикасында зейнетақымен қамсыздандыру туралы" Қазақстан Республикасы Заңының 27-бабы 1-тармағының 6)-тармақшасына, 41-бабы 2-тармағының 6)-тармақшасына және "Қаржы рыногы мен қаржы ұйымдарын мемлекеттік реттеу және қадағалау туралы" Қазақстан Республикасы Заңының 13-бабының 3)-тармақшасына сәйкес Қазақстан Республикасының Қаржы нарығын және қаржы ұйымдарын реттеу мен қадағалау жөніндегі агенттігінің Басқармасы қаулы етеді:
1. Жинақталған зейнетақы қаражатын жинақтаушы зейнетақы қорларынан аудару ережесі бекітілсін.
2. Осы қаулы Қазақстан Республикасының Әділет министрлігінде мемлекеттік тіркеуден өткен күннен бастап он төрт күн өткеннен кейін қолданысқа енеді.
3. Осы қаулы қолданысқа енгізілген күннен бастап Қазақстан Республикасының нормативтік құқықтық актілерін мемлекеттік тіркеу тізілімінде № 1065 тіркелген, Қазақстан Республикасының Бағалы қағаздар рыногы жөніндегі нормативтік құқықтық актілер жинағында 2001 жылы жарияланған, 4-том, Қазақстан Республикасының Еңбек және халықты әлеуметтік қорғау министрлігінің Жинақтаушы зейнетақы қорларының қызметін реттеу жөніндегі комитеті Төрағасының міндеттерін орындаушының "Жинақталған зейнетақы қаражатын жинақтаушы зейнетақы қорларынан аудару ережесін бекіту туралы" 2000 жылғы 4 қаңтардағы № 2-П бұйрығының күші жойылды деп танылсын.
4. Стратегия және талдау департаменті (Еденбаев Е.С.):
1) Заң департаментімен (Байсынов М.Б.) бірлесіп осы қаулыны Қазақстан Республикасының Әділет министрлігінде мемлекеттік тіркеуден өткізу шараларын қолға алсын;
