1997 жылғы 10 маусымдағы Қазақстан Республикасының Yкіметi мен Әзірбайжан Республикасының Үкіметі арасындағы Қазақстан Республикасы мен Әзірбайжан Республикасы азаматтарының визасыз жол жүрулері туралы келісімге
хаттама
(Астана қ., 2007 жылғы 27 ақпанда)
Бұдан әрі Тараптар деп аталатын Қазақстан Республикасының Үкіметі мен Әзірбайжан Республикасының Үкіметі 1997 жылғы 10 маусымда Алматыда жасалған Қазақстан Республикасының Үкіметі мен Әзірбайжан Республикасының Үкіметі арасындағы Қазақстан Республикасы мен Әзірбайжан Республикасы азаматтарының визасыз жол жүрулері туралы келісімнің 7-бабына сәйкес төмендегілер туралы осы Хаттаманы жасасты:
1-бап
Тараптар мемлекеттерінің аумағына келуге, одан кетуге, транзиттік жол жүруге, жүріп-тұруға және онда болуына құқық беретін, жеке басын куәландыратын және құжат иелерінің азаматтығын растайтын құжаттарға осы Хаттаманың 1 және 2-қосымшаларында көрсетілген құжаттар жатады.
Осы Хаттама күшіне енген күнінен бастап 1997 жылғы 10 маусымдағы Қазақстан Республикасының Үкіметі мен Әзірбайжан Республикасының Үкіметі арасындағы Келісімге 1 және 2-қосымшаларды осы Хаттамаға 1 және 2-қосымшалар алмастырады.
2-бап
Осы Хаттама Тараптардың оның күшіне енуі үшін қажетті мемлекетішілік рәсімдерді орындағаны туралы соңғы жазбаша хабарлама алынған күнінен бастап күшіне енеді.
2006 жылғы 27 ақпанда Астана қаласында әрқайсысы қазақ, әзірбайжан және орыс тілдерінде екі данада жасалды, әрі барлық мәтіндердің күші бірдей.
