«Қазақстан Республикасы Қаржы министрінің кейбір бұйрықтарының
күші жойылды деп тану туралы»
Қазақстан Республикасы Қаржы министрінің 2006 жылғы 16 тамыздағы
№ 304 бұйрығы
БҰЙЫРАМЫН:
1. Осы бұйрықтың қосымшасына сәйкес Қазақстан Республикасы Қаржы министрінің кейбір бұйрықтарының күші жойылды деп танылсын.
2. Қазақстан Республикасы Қаржы министрлігінің Қазынашылық комитеті (Шәженова Д.М.) бір апта мерзімде қабылданған шешім туралы Қазақстан Республикасы Әділет министрлігіне және «Заң» Медиа- корпорация» жауапкершілігі шектеулі серіктестігіне хабарласын.
3. Осы бұйрық қол қойылған күнінен бастап күшіне енеді.
Қазақстан Республикасы
Қаржы министрінің
2006 жылғы 16 тамыздағы
№ 304 бұйрығына қосымша
Қазақстан Республикасы Қаржы министрінің
күші жойылған кейбір бұйрықгарының тізбесі
1. «Республикалық және жергілікті бюджеттерден қаржыландырылатын мемлекеттік мекемелерді атқару құжаттарын атқаруының тәртібі туралы Нұсқаулықты бекіту туралы» Қазақстан Республикасы Қаржы министрінің 1999 жылғы 14 сәуірдегі № 151 бұйрығы (Нормативтік құқықтық актілерді мемлекеттік тіркеу тізілімінде № 748 болып тіркелген, Қазақстан Республикасы орталық атқарушы және өзге де мемлекеттік органдардың нормативтік құқықтық актілерінің бюллетеніңде жарияланған, 1999 ж., № 10, Қазақстан Республикасы Қаржы министрінің 2000 жылғы 12 мамырдағы № 226 бұйрығымен өзгеріс енгізілген).
2. «Қазақстан Республикасы мемлекеттік бюджетінің кассалық атқарылуы жөніндегі нұсқаулықты бекіту туралы» Қазақстан Республикасы Қаржы министрінің 1999 жылғы 7 қыркүйектегі № 484 бұйрығы (Нормативтік құқықтық актілерді мемлекеттік тіркеу тізілімінде № 900 болып тіркелген, Қазақстан Республикасы Қаржы министрінің 2000 жылғы 21 маусымдағы № 298 және 2002 жылғы 19 ақпандағы № 71 бұйрықтарымен өзгерістер мен толықтырулар енгізілген).
