Арнайы салық режимінде көзделген өтініштер мен патенттер
нысандарын бекіту туралы
Қазақстан Республикасы Қаржы министрлігінің Салық комитеті
Төрағасының 2006 жылғы 25 желтоқсандағы № 657 Бұйрығы
ҚР Қаржы министрінің 2008 жылғы 30 желтоқсандағы № 634 бұйрығымен күші жойылды
«Салық және бюджетке төленетін басқа да міндетті төлемдер туралы» Қазақстан Республикасының 2001 жылғы 12 маусымдағы Кодексіне (Салық кодексі) сәйкес бұйырамын:
1. Мына нысандар бекітілсін:
1) 1-қосымшаға сәйкес патент негізінде арнайы салық режимін қолдануға өтініш;
2) 2-қосымшаға сәйкес патент негізінде арнайы салық режимін қолдануды тоқтату туралы өтініш;
3) 3-қосымшаға сәйкес оңайлатылған декларация негізінде арнайы салық режимін қолдануға өтініш;
4) 4-қосымшаға сәйкес шаруа (фермер) қожалықтарына арналған арнайы салық режимін қолдануға өтініш;
5) 5-қосымшаға сәйкес шаруа (фермер) қожалықтарына арналған арнайы салық режимін қолдануды тоқтату туралы өтініш;
6) 6-қосымшаға сәйкес жеке кәсіпкерлерге арналған арнайы салық режимін қолдануға патент;
7) 7-қосымшаға сәйкес ауыл шаруашылық өнімдерін өндіруші заңды тұлғаларға арналған арнайы салық режимін қолдануға патент.
2. Мыналардың күші жойылды деп танылсын:
1) «Арнайы салық режимінде көзделген өтініштер мен патенттер нысандарын бекіту туралы» Қазақстан Республикасы Мемлекеттік кіріс министрлігінің 2001 жылғы 16 қарашадағы № 1554 бұйрығы (Қазақстан Республикасының нормативтік құқықтық актілерді мемлекеттік тіркеу реестрінде 2001 жылғы 24 желтоқсандағы № 1702 тіркелген, Қазақстан Республикасы орталық атқарушы және өзге де мемлекеттік органдарының нормативтік құқықтық актілері бюллетенінде жарияланған, 2002 жыл, наурыз, № 11);
