Орал қаласы бойынша 2007 жылы қәсіпкерлік субъектілер үшін қоғамдық жұмыстарды
ұйымдастыру және қаржыландыру туралы
Батыс Қазақстан облысы Орал қаласы әкімдігінің 2007 жылғы 15 наурыздағы № 564 қаулысы
Қазақстан Республикасының «Қазақстан Республикасындағы жергілікті мемлекеттік басқару туралы», Қазақстан Республикасының «Халықты жұмыспен қамту туралы», Қазақстан Республикасының «Қазақстан Республикасындағы мемлекеттік жастар саясаты туралы» Заңдарын басшылыққа алып және Қазақстан Республикасы Үкіметінің 2001 жылғы 19 маусымдағы № 836 «Халықты жұмыспен қамту туралы» Қазақстан Республикасының 2001 жылғы 23 қаңтардағы Заңын іске асыру жөніндегі шаралар туралы» қаулысына сәйкес, еңбек нарығындағы жағдайды және қоғамдық жұмыстарды ұйымдастыруды жақсарту мақсатында, қала ұйымдарынан түскен сұраныс пен ұсыныстарды ескеріп, қала әкімдігі ҚАУЛЫ ЕТЕДІ:
1. Қоғамдық жұмыстар ұйымдастырылатын кәсіпкерлік субъектілердің тізбесі, еңбекақы мөлшері мен қаржыландыру көздері қосымшаға сәйкес бекітілсін.
2. Қалалық жұмыспен қамту және әлеуметтік бағдарламалар бөлімі (Е. М. Абулхатин) мақсатты топтарға жататын, бастапқы және орта немесе жоғарғы кәсіптік оқу орындарын бітіргендерге мамандығы бойынша дипломнан кейінгі жастар практикасын ұйымдастыру мақсатында, еңбек рыногында бәсекеге қабілеттілігін арттыру және алдағы уақытта жұмысқа орналастыруға жәрдемдесу үшін және алғашқы еңбек өтіліне жағдай жасау, сонымен қатар жазғы каникул кезінде жұмыссыз ретінде тіркелген, оқитын жұмыссыз жастарға, қоғамдық жұмыстар ұйымдастырылсын. Жастар практикасына қатысушылар мамандығы бойынша жұмыс берушілердің сұранысына сәйкес қоғамдық жұмыстарға жіберілсін.
