Орта кәсіптік білімді мамандар даярлаудың 2006-2007 оқу жылына
арналған мемлекеттік білім беру тапсырысын бекіту туралы
Жамбыл облыстық әкімиятының 2007 жылғы 29 наурыздағы
№ 64 қаулысы
Жамбыл облыстық әкімиятының 2007 жылғы 24 мамырдағы № 121 қаулысымен күші жойылды
«Білім туралы» Қазақстан Республикасы 1999 жылғы 7 маусымдағы Заңының 31 бабының 10 тармағына сәйкес және Қазақстан Республикасы Үкіметінің 2000 жылғы 15 мамырдағы № 721 «Қазақстан Республикасында бастауыш және орта кәсіптік білім беруді одан әрі дамыту жөніндегі шаралар туралы», 2002 жылғы 11 қарашадағы № 1188 «Кәсіптік орта және кәсіптік жоғары білім беру ұйымдарына оқуға түсу кезінде адамдардың жекелеген санаттары үшін қабылдау квотасын белгілеу туралы» қаулыларын орындау үшін Жамбыл облысы әкімияты қаулы етеді:
1. Орта кәсіптік білімді мамандар даярлаудың 2006-2007 оқу жылына арналған мемлекеттік білім беру тапсырысы қосымшаға сәйкес бекітілсін.
2. Облыс әкімиятының білім беру департаменті белгіленген тәртіппен орта кәсіптік білімді мамандар даярлауға арналған мемлекеттік білім беру тапсырысын орта кәсіптік білім беру ұйымдарына орналастырсын.
3. Бекітілген білім беру тапсырысы шегінде Қазақстан Республикасы Үкіметінің 2002 жылғы 11 қарашадағы № 1188 «Кәсіптік орта және кәсіптік жоғары білім беру ұйымдарына оқуға түсу кезінде адамдардың жекелеген санаттары үшін қабылдау квотасын белгілеу туралы» қаулысымен белгіленген квота қолданылады деп анықталсын.
4. Осы қаулы алғашқы ресми жарияланған күннен бастап іс-әрекетке енгізіледі және 2006 жылдың 1 сәуірінен бастап туындайтын қатынастарда қолданылады.
5. Осы қаулының орындалуын бақылау облыс әкімінің орынбасары Қ.І. Ақсақаловқа жүктелсін.
Облыс Әкімінің
міндетін атқарушы | А. Савченко |
