«Құрылыс-монтаж жұмыстарын жүргізуге арналғн рұқсатты алуға қажетті құжаттардың тізбесін бекіту туралы» Қазақстан Республикасы Индустрия және сауда министрлігінің 2008 жылғы 23 сәуірдегі № 170 Бұйрығы (күші жойылды)

Құрылыс-монтаж жұмыстарын жүргізуге арналғн рұқсатты алуға қажетті құжаттардың тізбесін бекіту туралы
Қазақстан Республикасы Индустрия және сауда министрлігінің 2008 жылғы 23 сәуірдегі № 170 Бұйрығы

ҚР Құрылыс және тұрғын үй-коммуналдық шаруашылық істері агенттігі Төрағасының 2010 жылғы 9 наурыздағы № 92 бұйрығымен күші жойылды

«Қазақстан Республикасындағы сәулет, қала құрылысы және құрылыс қызметі туралы» Қазақстан Республикасы Заңының 68-бабының11-тармағын орындау үшін БҰЙЫРАМЫН:

1. Қоса беріліп отырған құрылыс-монтаж жұмыстарын жүргізуге арналған рұқсатты алуға қажетті құжаттардың тізбесі бекітілсін.

2. Қазақстан Республикасы Индустрия және сауда министрлігінің Құрылыс және тұрғын үй-коммуналдық шаруашылық істері комитеті:

белгіленген тәртіппен осы бұйрықты Қазақстан Республикасы Әділет министрлігінде мемлекеттік тіркеуді қамтамасыз етсін;

мемлекеттік тіркеуден өткен соң осы бұйрықты бұқаралық ақпарат құралдарды жарияласын.

3. «Құрылыс-монтаж жұмыстарын жүргізуге арналған рұқсатты алуға қажетті құжаттардың тізбесін бекіту туралы» Қазақстан Республикасы Индустрия және сауда министрлігінің Құрылыс істері жөніндегі комитеті төрағасының 2003 жылғы 30 маусымдағы № 255 бұйрығының (Нормативтік құқықтық актілерді мемлекеттік тіркеу тіркелімінде № 2400 тіркелді) күші жойылды деп танылсын.

4. Осы бұйрықтың орындалуын бақылау Қазақстан Республикасы Индустрия және сауда министрлігі Құрылыс және тұрғын үй-коммуналдық шаруашылық істері комитетінің төрағасы Қ.О. Омаровқа жүктелсін.