«Көшпелі сауда туралы» Қарағанды облысы Қарағанды қаласы әкімдігінің 2009 жылғы 22 шілдедегі № 34/03 қаулысы (күші жойылды)

Көшпелі сауда туралы
Қарағанды облысы Қарағанды қаласы әкімдігінің 2009 жылғы 22 шілдедегі № 34/03 қаулысы

Қарағанды қаласы әкімдігінің 2016 жылғы 25 мамырдағы № 21/10 Қаулысымен күші жойылды

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңына және «Сауда қызметін реттеу туралы» Қазақстан Республикасының 2004 жылғы 12 сәуірдегі Заңының 27-бабына сәйкес, Қарағанды қаласының әкімдігі ҚАУЛЫ ЕТЕДІ:

1. Саяжайлардың, жеке қосалқы және үй жанындағы учаскелер иелері маусымдық өнімдерін сату үшін Қарағанды қаласының Октябрь ауданының аумағындағы көшпелі сауда орындары анықталсын (қосымша).

2. «Қарағанды қаласының сәулет және қала құрылысы бөлімі» мемлекеттік мекемесі (Қалмаханов Т.С.), «Қарағанды қаласының жер қатынастары бөлімі» мемлекеттік мекемесі (Медеубаев К.М..) он күн ішінде көшпелі сауда үшін анықталған орындардың өлшемдері мен шекараларын белгіленген тәртіпте анықтасын.