2010 жылы аса көрнекті әдебиет қайраткерлерінің мерейтойларын дайындау және өткізу туралы
Қазақстан Республикасы Үкіметінің 2010 жылғы 25 қаңтардағы № 20 Қаулысы
«Мерейтойлар мен атаулы күндерді мерекелеу туралы» Қазақстан Республикасы Үкіметінің 1999 жылы 28 қыркүйектегі № 1465 қаулысына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған Бауыржан Момышұлының туғанына 100 жыл толу мерейтойын, Міржақып Дулатовтың туғанына 125 жыл толу мерейтойын және Шоқан Уәлихановтың туғанына 175 жыл толу мерейтойын дайындау және өткізу жөніндегі іс-шаралар жоспарлары бекітілсін.
2. Осы қаулы қол қойылған күнінен бастап қолданысқа енгізіледі.
Қазақстан Республикасының Премьер-Министрі | К. Мәсімов |
Қазақстан Республикасы
Үкіметінің
2010 жылғы 25 қаңтардағы
№ 20 қаулысымен
бекітілген
Бауыржан Момышұлының туғанына 100 жыл толуын дайындау және
өткізу жөніндегі іс-шаралар жоспары
№ | Іс-шараның атауы | Жауапты орындаушылар | Орындалу мерзімі | Қаржыландыру көздері | Болжамды шығыстар (мың теңге) |
1 | 2 | 3 | 4 | 5 | 6 |
1 | Бауыржан Момышұлының таңдамалы шығармалар жинағын басып шығару | Қазақстан Республикасы Мәдениет және ақпарат министрлігі | 2010 жыл бойы | 017 Әдебиеттің әлеуметтік маңызды түрлерін басып шығару» республикалық бюджеттік бағдарламасы | 24192,0 |
2 | Бауыржан Момышұлы туралы деректі фильм жасау және оны телеарналарда көрсету | Қазақстан Республикасы Мәдениет және ақпарат министрлігі | 2010 жыл бойы | 025 «Мемлекеттік ақпараттық саясатты жүргізу» республикалық бюджеттік бағдарламасы | 1600,0 |
3 | «Еске алу көші» атты концерттік бағдарлама өткізу | Қазақстан Республикасы Мәдениет және ақпарат министрлігі | 2010 жылғы мамыр | 011 «Әлеуметтік маңызды және мәдени іс-шараларды өткізу» республикалық бюджеттік бағдарламасы | 2961,5 |
4 | Салтанатты жиналыс пен Қазақстанның өнер шеберлерінің концертін өткізу | Алматы қаласының әкімі | 2010 жылғы қыркүйек | Жергілікті бюджет | 1500,0 |
5 | Алматы қаласында Бауыржан Момышұлының ескерткішін орнату | Алматы қаласының әкімі | 2010 жылғы мамыр | Жергілікті бюджет | 45858,0 |
