Жоғары және жоғары оқу орнынан кейінгі білім беру бағдарламаларының тізіліміне білім беру бағдарламаларын енгізу және шығару алгоритмін бекіту туралы
Қазақстан Республикасы Білім және ғылым министрінің 2018 жылғы 4 желтоқсандағы № 665 бұйрығы
(2021.20.05. берілген өзгерістер мен толықтыруларымен)
Жоғары оқу орындары жүзеге асыратын білім беру бағдарламаларын есепке алудың бірыңғай ақпараттық ортасын құру мақсатында БҰЙЫРАМЫН:
1. Осы бұйрыққа қоса беріліп отырған Жоғары және жоғары оқу орнынан кейінгі білім беру бағдарламаларының тізіліміне білім беру бағдарламаларын енгізу және шығару алгоритмі бекітілсін.
2. Қазақстан Республикасы Білім және ғылым министрлігінің Жоғары және жоғары оқу орнынан кейінгі білім департаменті (Ә.Ж. Тойбаев):
1) осы бұйрықты Қазақстан Республикасы Білім және ғылым министрлігінің интернет-ресурсында орналастыруды қамтамасыз етсін;
2) осы бұйрықты жоғары оқу орындарының назарына жеткізсін.
3. Осы бұйрықтың орындалуын бақылау Қазақстан Республикасының Білім және ғылым вице-министрі А.Қ. Аймағамбетовке жүктелсін.
4. Осы бұйрық қол қойылған күннен бастап күшіне енеді.
ҚР Білім және ғылым министрінің 2020.22.12. № 536 бұйрығымен алгоритм жаңа редакцияда (бұр.ред.қара)
Қазақстан Республикасы
Білім және ғылым министрінің
2018 жылғы 4 желтоқсандағы
№ 665 бұйрығымен
бекітілді
Жоғары және жоғары оқу орнынан кейінгі білім беру бағдарламаларының
тізіліміне білім беру бағдарламаларын енгізу және шығару
алгоритмі
1. Жалпы ережелер
1. Осы Жоғары және жоғары оқу орнынан кейінгі білім беру бағдарламаларының тізіліміне білім беру бағдарламаларын енгізу және шығару алгоритмі (бұдан әрі - Алгоритм) Жоғары және жоғары оқу орнынан кейінгі білім беру бағдарламаларының тізіліміне (бұдан әрі - Тізілім) білім беру бағдарламаларын енгізу және шығару тәртібін белгілейді.
