Өмірзақ ауылының шекарасын (шегін) белгілеу туралы
Маңғыстау облысы Ақтау қалалық мәслихатының 2016 жылғы 9 желтоқсандағы № 6/68 шешімі және Маңғыстау облысы Ақтау қаласы әкімдігінің 2016 жылғы 9 желтоқсандағы № 2266 қаулысы
(2024.01.11. берілген өзгерістермен)
Қазақстан Республикасының 2003 жылғы 20 маусымдағы Жер кодексінің 108-бабының 5-тармағына және Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6, 31-баптарына сәйкес Ақтау қаласының әкімдігі ҚАУЛЫ ЕТЕДІ және Ақтау қалалық мәслихаты ШЕШІМ ҚАБЫЛДАДЫ:
Маңғыстау облысы Ақтау қаласы әкімдігінің 2024.10.10. № 11-07-2428 қаулысы және Ақтау калалық мәслихатының Маңғыстау облысы Ақтау қаласы әкімдігінің 2024.10.10. № 16/100 бірлескен шешімімен 1-тармақ жаңа редакцияда (2024 ж. 1 қарашадан бастап қолданысқа енгізілді) (бұр.ред.қара)
1. Осы бірлескен қаулы және шешімге қосымшаға сәйкес Ақтау қаласының Өмірзақ ауылының шекаралары белгіленсін.
2. Ақтау қаласы әкімдігінің 2008 жылғы 15 қазандағы № 1039 және Ақтау қалалық мәслихатының 2008 жылғы 15 қазандағы № 13/126 «Өмірзақ ауылының шекарасын белгілеу туралы» бірлескен қаулысы мен шешімінің (нормативтік құқықтық актілерді мемлекеттік тіркеу Тізілімінде № 11-1-98 болып тіркелген, 2008 жылғы 15 қарашадағы «Маңғыстау» газетінде жарияланған) күші жойылды деп танылсын.
