«Жаңартылған мазмұндағы білім беру жағдайында «Өзін-өзі тану» пәні бойынша білім беру үдерісін ұйымдастыру бойынша әдістемелік ұсыныстарды бекіту туралы» Қазақстан Республикасы Білім және ғылым министрінің міндетін атқарушының 2020 жылғы 23 қарашадағы № 494 бұйрығына өзгерістер енгізу туралы
Қазақстан Республикасы Білім және ғылым министрінің 2021 жылғы 2 сәуірдегі № 144 бұйрығы
«Өзін-өзі тану» пәні бойынша білім беру үдерісінің тиімділігін арттыру мақсатында және «Білім туралы» 2007 жылғы 27 шілдедегі Қазақстан Республикасы Заңының 5-бабының 47) тармағына, Қазақстан Республикасында білім беруді және ғылымды дамытудың 2020-2025 жылдарға арналған мемлекеттік бағдарламасының 1-мақсатына сәйкес БҰЙЫРАМЫН:
1. Бұйрыққа қоса беріліп отырған Жаңартылған мазмұндағы білім беру жағдайында «Өзін-өзі тану» пәні бойынша оқу процесін ұйымдастыру жөніндегі әдістемелік ұсынымдар жаңа редакцияда бекітілсін.
2. Орта білім беру ұйымдары (бастауыш, негізгі орта, жалпы орта) қоса беріліп отырған Әдістемелік ұсынымдарды басшылыққа алсын.
3. Осы бұйрықтың орындалуын бақылау Қазақстан Республикасы білім және ғылым вице-министрі Ш.Т. Кариноваға жүктелсін.
4. Осы бұйрық қол қойылған күннен бастап күшіне енеді.
Қазақстан Республикасы
Білім және ғылым министрінің
2021 жылғы 2 сәуірдегі
№ 144 бұйрығына қосымша
Жаңартылған мазмұндағы білім беру жағдайында
«Өзін-өзі тану» пәні бойынша білім беру процесін ұйымдастыру жөніндегі
әдістемелік ұсынымдар
1- тарау. Жалпы ережелер
1. Осы Жаңартылған мазмұндағы білім беру жағдайында «Өзін-өзі тану» пәні бойынша білім беру процесін ұйымдастыру жөніндегі әдістемелік ұсынымдар (бұдан әрі - Әдістемелік ұсынымдар) орта білім беру (бастауыш, негізгі орта және жалпы орта) ұйымдарында оқытудың сапасын арттыру мақсатында әзірленді. Әдістемелік ұсынымдар меншік нысанына қарамастан барлық білім беру ұйымдарында пайдаланылады.
2-тарау. Орта білім беру ұйымдарында оқу процесін кадрлық
қамтамасыз ету
