Өсімдіктер карантині бойынша фитосанитариялық бақылауға алынатын карантинге жатқызылатын негізгі өнімнің номенклатурасын бекіту туралы
Қазақстан Республикасы Ауыл шаруашылығы министрінің 2002 ж. 30 мамырдағы № 166 бұйрығы
ҚР Ауыл шаруашылығы министрінің 2012 жылғы 13 ақпандағы № 10-1/52 бұйрығымен күші жойылды
«Өсімдіктер карантині туралы» Қазақстан Республикасының 1999 жылғы 11 ақпандағы Заңын және «Кедендік одақ жөніндегі келісімдерге қатысушы мемлекеттерге әкелінетін тауарларға қатысты техникалық, медициналық, фармацевтикалық, санитариялық, ветеринариялық, фитосанитариялық және экологиялық стандарттарды, нормаларды, ережелерді және талаптарды қолданудың бірыңғай тәртібі туралы хаттаманы бекіту туралы» Қазақстан Республикасы Үкіметінің 1999 жылғы 16 қарашадағы № 1716 қаулысын іске асыру мақсатында БҰЙЫРАМЫН:
1. Қоса беріліп отырған Өсімдіктер карантині бойынша фитосанитариялық бақылауға алынатын карантинге жатқызылатын негізгі өнімнің номенклатурасы (бұдан әрі - Номенклатура) бекітілсін.
2. Қазақстан Республикасы Ауыл шаруашылығы министрлігінің Өсімдіктерді қорғау және карантин департаменті (С.Хасенов), облыстардағы, Астана және Алматы қалаларындағы аумақтық басқармалардың бастықтары заңнамада белгіленген тәртіппен:
1) бекітілген номенклатураға сәйкес әкелінген және әкетілген карантинге жататын өнімдерге қатысты облыстарда, аудандарда және қалаларда өсімдіктер карантині бойынша тиісті фитосанитариялық бақылау ұйымдастырсын;
2) осы бұйрықтан туындайтын өзге де шараларды қабылдасын.
3. Осы бұйрық Қазақстан Республикасының Әділет министрлігінде мемлекеттік тіркеуден өткен күннен бастап күшіне енеді.
Министр
Келісілді
Қазақстан Республикасының
Мемлекеттік кіріс министрлігі
Кеден комитеті төрағасының
орынбасары 08.06.2002 ж.
Қазақстан Республикасының
Ауыл шаруашылығы Министрінің
2002 ж. 30 мамырдағы № 166
бұйрығымен бекітілген
Өсiмдiктер карантинi бойынша фитосанитариялық бақылауға алынатын
карантинге жатқызылатын негiзгi өнiмнiң номенклатурасы
