Қазақстан Республикасының Премьер-Министрі, Премьер-Министрінің орынбасарлары және
Премьер-Министрi Кеңсесінiң Басшысы арасында мiндеттердi бөлу туралы
Қазақстан Республикасы Премьер-Министрінің 2005 жылғы 11 қаңтардағы № 3-ө Өкімі
ҚР Премьер-Министрінің 2006.23.02. № 32-ө Өкімімен күші жойылды
1. Қоса берiлiп отырған Қазақстан Республикасының Премьер-Министрi, Премьер-Министрінің орынбасарлары және Премьер-Министрi Кеңсесiнiң Басшысы арасында мiндеттердi бөлу бекітілсiн.
2. Қазақстан Республикасы Премьер-Министрінің 2004 жылғы 24 қарашадағы № 344-ө өкімінің күші жойылды деп танылсын.
| Қазақстан Республикасы Премьер-Министрі | Д. Ахметов |
Қазақстан Республикасы
Премьер-Министрінің
2005 жылғы 11 қаңтардағы
№ 3-ө өкімімен
бекітілген
Қазақстан Республикасының Премьер-Министрі,
Премьер-Министрінің орынбасарлары және
Премьер-Министрi Кеңсесiнiң Басшысы арасында
МIНДЕТТЕРДI БӨЛУ
Қазақстан Республикасының Премьер-Министрi
Д.К.Ахметов
Үкiметтiң қызметiне басшылық жасау.
Қазақстан Республикасының Президентiмен, сондай-ақ Парламентпен, Конституциялық Кеңеспен, Жоғарғы Сотпен, Бас прокуратурамен және басқа да конституциялық органдармен қатынастарда Үкiметтiң атынан өкiлдiк ету.
Мемлекетаралық қатынастар мен халықаралық ынтымақтастық мәселелерi.
Экономикалық және қаржы саясаты, қорғаныс, құқық тәртібі, мұнай-газ секторын дамыту мәселелерi.
Үкiметтiң кадр мәселелері. Сыртқы iстер министрлiгінiң, Қорғаныс министрлігінiң, Экономика және бюджеттік жоспарлау министрлігінің , Қаржы министрлігінің, Көлiк және коммуникация министрлігінің, Iшкi iстер министрлігінiң, Әдiлет министрлiгінiң, Экономикалық қылмысқа және сыбайлас жемқорлыққа қарсы күрес агенттiгiнiң (қаржы полициясы) қызметiн жалпы бақылау.
Қазақстан Республикасы Премьер-Министрінің орынбасары А.С.Есімов
Экономиканы жедел басқару, өңiрлiк және аграрлық саясат, жұмылдыру дайындығы, әлеуметтiк саясат және әлеуметтiк әрiптестiк, Республикалық үш жақты комиссияға басшылық жасау мәселелерi.
Ауыл шаруашылығы министрлігінiң, Қоршаған ортаны қорғау министрлігінiң, Төтенше жағдайлар министрлігінiң, Энергетика және минералдық ресурстар министрлiгінiң, Еңбек және халықты әлеуметтiк қорғау министрлiгінiң, Білім және ғылым министрлігінiң, Денсаулық сақтау министрлігінiң, Мәдениет, ақпарат және спорт министрлігінiң, Жер ресурстарын басқару агенттiгiнiң қызметiн жалпы бақылау.
Қазақстан Республикасы Премьер-Министрінің орынбасары -
Қазақстан Республикасының Индустрия және сауда министрi
С.М.Мыңбаев
Индустриялық, технологиялық және инвестициялық саясат, Қазақстанның Дүниежүзiлiк сауда ұйымына енуi мәселелерi
ТМД елдерiмен және олардың ықпалдастық бiрлестiктерiмен өзара қатынастар мәселелерi.
Индустрия және сауда министрлігіне басшылық жасау.
Қазақстан Республикасының Премьер-Министрi
Кеңсесiнiң Басшысы
А.А.Тілеубердин
Үкiметтiң шешiмдерiн дайындау және олардың орындалуын ұйымдастыру бөлігінде орталық және жергiлiктi атқарушы органдардың, ведомстволардың мемлекеттік және орындаушылық тәртiптi сақтау, мемлекеттік құпияларды қорғау, мемлекеттік органдарды ақпараттандыру және ақпараттық қауiпсiздiктi қамтамасыз ету мәселелерi жөніндегі қызметiн үйлестiру.
Үкiметтiң кадр саясатын iске асыру жөнiндегі жұмысты ұйымдастыру.
Үкiметтiң өңiрлiк саясатын iске асыру жөнiндегі жұмысты ұйымдастыру, Үкiметтің облыстар әкiмдерiмен өзара iс-қимылын қамтамасыз ету.
Премьер-Министр Кеңсесiнiң Президент Әкiмшiлiгiмен және Парламент палаталары аппараттарымен өзара iс-қимылын қамтамасыз ету.
Ақпараттандыру және байланыс агенттiгiнiң, Табиғи монополияларды реттеу агенттiгiнiң, Статистика агенттiгiнiң қызметiн жалпы бақылау.
