Қоршаған ортаға эмиссияларға рұқсат беру үшін құжаттардың нысандарын және оларды толтыру тәртібін бекіту туралы
Қазақстан Республикасының Қоршаған ортаны қорғау министрінің 2007 жылғы 30 наурыздағы № 94-ө бұйрығы
(2014.29.05. берілген өзгерістер мен толықтыруларымен)
ҚР Энергетика министрінің 2015 жылғы 20 ақпандағы № 115 бұйрығымен күші жойылды
Қазақстан Республикасы Экологиялық кодексінің 17-бабындағы 29) тармақшасына сәйкес БҰЙЫРАМЫН:
1. Мыналар бекітілсін:
1) осы бұйрықтың 1-қосымшасына сәйкес қоршаған ортаға эмиссияларға рұқсат алу бланк нысаны;
ҚР Қоршаған ортаны қорғау министрінің 2014.29.05. № 199-ө бұйрығымен 2) қосымша жаңа редакцияда (бұр.ред.қара)
2) осы бұйрықтың 2-қосымшасына сәйкес қоршаған ортаға эмиссияларға рұқсат алу және қоршаған ортаға эмиссияларға рұқсатты қайта ресімдеу өтінім нысандары;
3) ҚР Қоршаған ортаны қорғау министрінің м.а. 2012.19.03. № 73-ө бұйрығымен алып тасталды (бұр.ред.қара)
4) осы бұйрықтың 4-қосымшасына сәйкес қоршаған ортаға эмиссияларға рұқсат алу үшін құжаттар нысанын толтыру ережесі.
2. Мына құжаттардың күші жойылды деп саналсын:
1) «Қоршаған ортаны ластауға рұқсат алуға өтінім материалдарын ұсынуға және рәсімдеуге дайындау жөніндегі нұсқаулықты бекіту туралы» Қазақстан Республикасы Қоршаған ортаны қорғау министрінің міндетін атқарушының 2004 жылғы 21 қазандағы № 280-ө бұйрығы (Нормативтік құқықтық кесімдердің мемлекеттік тіркеу тізілімінде № 3188 тіркелген, орталық атқару және Қазақстан Республикасының басқа да мемлекеттік органдарының нормативтік құқықтық актілер Бюллетенінде жарияланған, 2005 ж., № 14, 68 бет);
