«Зейнетақы активтерін инвестициялық басқаруды жүзеге асыратын
ұйымдарға арналған пруденциалдық нормативтердің нормативтік мәндері,
оларды есептеу әдістемесі туралы нұсқаулықты бекіту туралы»
Қазақстан Республикасы Қаржы нарығын және қаржы ұйымдарын
реттеу мен қадағалау агенттігі Басқармасының 2006 жылғы 27 қазандағы
№ 223 Қаулысы
Осы редакция 2007 ж. 23 ақпанда енгізілген өзгерістеріне дейін қолданылды
Зейнетақы активтерін инвестициялық басқару бойынша қызметті жүзеге асыратын ұйымдар қызметін пруденциалдық реттеу мәселелері жөніндегі нормативтік құқықтық кесімдерді жетілдіру мақсатында Қазақстан Республикасы Қаржы нарығын және қаржы ұйымдарын реттеу мен қадағалау агенттігінің Басқармасы (бұдан әрі - Агенттік) ҚАУЛЫ ЕТЕДІ:
1. Зейнетақы активтерін инвестициялық басқаруды жүзеге асыратын ұйымдарға арналған пруденциалдық нормативтердің нормативтік мәндері, оларды есептеу әдістемесі туралы қоса берілген нұсқаулық бекітілсін.
2. Күші жойылды деп танылсын:
1) Агенттік Басқармасының «Зейнетақы активтерін инвестициялық басқаруды жүзеге асыратын ұйымдарға арналған пруденциалдық нормативтер туралы ережені бекіту жөнінде» 2005 жылғы 26 қарашадағы № 412 қаулысы (Нормативтік құқықтық кесімдерді мемлекеттік тіркеу тізілімінде № 3995);
2) Агенттік Басқармасының «Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының» «Зейнетақы активтерін инвестициялық басқаруды жүзеге асыратын ұйымдарға арналған пруденциалдық нормативтер туралы ережені бекіту жөнінде» 2005 жылғы 26 қарашадағы № 412 қаулысына толықтырулар мен өзгерістер енгізу туралы» 2006 жылғы 27 мамырдағы № 123 қаулысы (Нормативтік құқықтық кесімдерді мемлекеттік тіркеу тізілімінде № 4273 тіркелген).
3. Осы қаулы 2006 жылғы 15 желтоқсаннан қолданысқа енгізіледі.
4. Бағалы қағаздар нарығының субъектілерін және жинақтаушы зейнетақы қорларын қадағалау департаменті (Тоқобаев Н.Т.):
