Қазақстан Республикасы Президентінің «Болашақ» халықаралық стипендиясын тағайындау үшін үміткерлерді іріктеу ережесін бекіту туралы» Қазақстан Республикасы Үкіметінің 2005 жылғы 26 мамырдағы № 511 қаулысын іске асыру жөніндегі шаралар туралы
Қазақстан Республикасы Білім және ғылым министрінің 2007 жылғы 8 маусымдағы № 300 бұйрығы
ҚР Білім және ғылым министрлігінің 2008 жылғы 12 маусымдағы № 340 Бұйрығымен күші жойылды
Қазақстан Республикасы Президентінің «Болашақ» халықаралық стипендиясын тағайындау үшін үміткерлерді іріктеу ережесін бекіту туралы» Қазақстан Республикасы Үкіметінің 2005 жылғы 26 мамырдағы № 511 қаулысын іске асыру мақсатында БҰЙЫРАМЫН:
1. 2007 жылы «Болашақ» халықаралық стипендиясын тағайындауға құжаттарды қабылдаудың және конкурсты өткізудің мынадай мерзімдері белгіленсін:
құжаттарды қабылдау - 2007 жылғы 1 шілде - 31 қазан аралығында;
конкурстық іріктеу өткізу - 2007 жылғы 10 желтоқсанға дейін.
2. Шетелде оқу үшін таңдаған бағыты бойынша үміткерлердің дайындық деңгейін анықтау үшін тәуелсіз сараптама комиссиясының құрамы қосымшаға сәйкес бекітілсін.
3. Дамыту стратегиясы департаменті (С. Ырсалиев) «Халықаралық бағдарламалар орталығы» АҚ-мен (Қ. Дайырова) бірлесіп, 2007 жылғы 15 маусымға дейінгі мерзімде «Болашақ» халықаралық стипендиясының шеңберінде оқу үшін ұсынылатын шетелдік жоғары оқу орындарын анықтау регламентін әзірлеп, бекітуге енгізсін.
4. Дамыту стратегиясы департаменті (С. Ырсалиев) Жоғары және жоғары оқу орнынан кейінгі білім департаментімен (К. Құрманәлиев) бірлесіп:
2007 жылғы 15 маусымға дейінгі мерзімде 2007 жылы «Болашақ» халықаралық стипендиясының шеңберінде шетелде оқыту үшін ұқсас мамандықтардың тізбесін бекітуге ұсынсын;
Қазақстан Республикасы Бакалавриат және магистратура мамандықтарының жіктеуішінде үміткердің жоғары оқу орнында алған мамандығының атауы болмаған немесе өзгеше аталған жағдайда үміткерлердің іс қағаздарының ұқсастығын қарасын және жеке тәртіппен конкурсқа жіберу туралы шешім қабылдасын.
