Жария мүдделі ұйымдардың (қаржылық ұйымдарынан басқа) жариялауы үшін жылдық қаржылық
есептіліктің тізбесі мен нысандарын бекіту туралы
Қазақстан Республикасы Қаржы министрірінің 2007 жылғы 23 мамырдағы № 184 бұйрығы
ҚР Қаржы министрінің 2010 жылғы 20 тамыздағы № 422 Бұйрығымен күші жойылды
«Бухгалтерлік есеп пен қаржылық есептілік туралы» Қазақстан Республикасының 2007 жылғы 28 ақпандағы № 234-ІІІ Заңының 19-бабы 6-тармағын іске асыру мақсатында БҰЙЫРАМЫН:
1. Қоса беріліп отырған:
1) осы бұйрыққа 1-қосымшаға сәйкес жария мүдделі ұйымдардың (қаржылықұйымдарынан басқа) жариялауы үшін жылдық қаржылық есептіліктің тізбесі;
2) жария мүдделі ұйымдардың (қаржылықұйымдарынан басқа) жариялауы үшін жылдық қаржылық есептіліктің нысандары:
осы бұйрыққа 2-қосымшаға сәйкес 1 «Бухгалтерлік баланс» нысаны;
осы бұйрыққа 3-қосымшаға сәйкес 2 «Пайда мен зияндар туралы есеп» нысаны;
осы бұйрыққа 4-қосымшаға сәйкес 3 «Ақша қаражатының қозғалысы туралы есеп» нысаны;
осы бұйрыққа 5-қосымшаға сәйкес «Капиталдағы өзгерістер туралы есеп» нысаны бекітілсін.
2. Мемлекеттік активтерді басқару әдіснамасы департаменті (Ж.Н.Айтжанова) заңнамада белгіленген тәртіппен осы бұйрықтың Қазақстан Республикасы Әділет министрлігінде мемлекеттік тіркелуін және оның ресми жариялануын қамтамасыз етсін.
3. «Қаржылық есептілік нысандарын бекіту туралы» Қазақстан Республикасы Қаржы министрінің 2005 жылғы 22 желтоқсандағы № 427 бұйрығының (Нормативтік құқықтық актілерді мемлекеттік тіркеу тізілімінде № 4007 тіркелген, Қазақстан Республикасы орталық атқарушы және өзге мемлекеттік органдарының нормативтік құқықтық актілер бюллетенінде жарияланған, 20062 ж. ақпан, № 2, 202-құжат) күші жойылды деп танылсын.
4. Осы бұйрық 2008 жылғы 1 қаңтардан бастап күшіне енеді.
Қазақстан Республикасы
Қаржы министрірінің
2007 жылғы 23 мамырдағы
№ 184 Бұйрығына
1 - қосымша
