Есепке алу-бақылау таңбалары мен акциздік таңбаларды алу, есепке алу, сақтау және беру ережесін бекіту туралы
Қазақстан Республикасы Қаржы министрінің 2008 жылғы 23 желтоқсандағы № 599 Бұйрығы
(2010.17.09. берілген өзгерістер мен толықтырулармен)
ҚР Қаржы министрінің 2012 жылғы 2 мамырдағы № 229 бұйрығымен күші жойылды
2008 жылғы 10 желтоқсандағы «Салық және бюджетке төленетін басқа да міндетті төлемдер туралы» Қазақстан Республикасы Кодексінің (Салық кодексі) 653-бабы 6-тармағының 2) тармақшасына сәйкес:
БҰЙЫРАМЫН:
1. Қоса беріліп отырған есепке алу-бақылау таңбалары мен акциздік таңбаларды алу, есепке алу, сақтау және беру ережесі бекітілсін.
2. Қазақстан Республикасының Қаржы министрлігі Салық комитеті (Д.Е. Ерғожин):
1) алкоголь өнімдерін, темекі бұйымдарын өндірушілер мен импорттаушылардың назарына есепке алу-бақылау таңбалары мен акциздік таңбаларға ақша аудару үшін «Қазақстан Республикасы Ұлттық банкінің Банкноттық фабрикасы» шаруашылық жүргізу құқығындағы республикалық мемлекеттік кәсіпорнының есеп шоттарын пайдалану туралы жеткізсін;
2) осы бұйрықтың Қазақстан Республикасы Әділет министрлігінде мемлекеттік тіркелуін қамтамасыз етсін.
3. Мыналардың күші жойылды деп танылсын:
1) «Алкоголь өнімдеріне (сырадан басқа), темекі өнімдеріне және құрамында темекі бар өзге де бұйымдарға арналған акциздік алым таңбаларын алу, есепке алу, сақтау және беру Ережесін бекіту туралы» Қазақстан Республикасы Қаржы министрлігінің Салық комитеті Төрағасының м.а. 2003 жылғы 20 наурыздағы № 134 бұйрығы (Қазақстан Республикасының Әділет министрлігінде 2003 жылы 25 сәуірде № 2242 болып тіркелген; «Официальная газета» газетінде 2003 жылғы 4 сәуірдегі № 40 (145) жарияланған);
