Көлік оқиғасының схемасын жасау ережесін және олардың үлгі нысандарын бекіту туралы
Қазақстан Республикасының Ішкі істер министрінің 2011 жылғы 9 ақпандағы № 52 бұйрығы
(2023.07.11. берілген өзгерістер мен толықтыруларымен)
ҚР Ішкі істер министрінің 2015.10.09. № 754 бұйрығымен тақырыбы жаңа редакцияда (бұр.ред.қара)
«Көлік құралдары иелерінің азаматтық-құқықтық жауапкершілігін міндетті сақтандыру туралы» Қазақстан Республикасының 2003 жылғы 1 шілдедегі Заңының 22-1-бабының 4-бөлігіне сәйкес БҰЙЫРАМЫН:
1. Қоса беріліп отырған Көлік оқиғасының сызбасын жасау ережесі (Бұдан әрі - Ереже) бекітілсін.
ҚР Ішкі істер министрінің 2015.10.09. № 754 бұйрығымен (бұр.ред.қара); ҚР Ішкі істер министрінің м.а. 2022.19.09. № 758 бұйрығымен (2022 ж. 8 қазаннан бастап қолданысқа енгізілді) (бұр.ред.қара) 2-тармақ жаңа редакцияда
2. Облыстардың, республикалық маңызы бар қалалардың, астананың полиция департаменттерінің және Қазақстан Республикасы Ішкі істер министрлігінің Байқоңыр қаласындағы өкілдігінің бастықтары ішкі істер органдарының әкімшілік полиция бөліністерінің жұмысын осы Ереженің талаптарына сәйкес ұйымдастырсын.
3. Ішкі істер министрлігінің Жол полициясы комитеті (Қ.С. Тыныбеков) осы бұйрықтың Қазақстан Республикасы Әділет министрлігінде тіркелуін және оның жариялануын қамтамасыз етсін.
ҚР Ішкі істер министрінің 2015.10.09. № 754 бұйрығымен 4-тармақ жаңа редакцияда (бұр.ред.қара)
4. Осы бұйрықтың орындалуын бақылау Қазақстан Республикасы Ішкі істер министрінің орынбасары полиция генерал-майоры Е.З. Тургумбаевқа және Қазақстан Республикасы Ішкі істер министрлігінің Әкімшілік полиция комитетіне жүктелсін.
5. Осы бұйрық алғаш ресми жарияланған күннен бастап күнтізбелік он күн өткеннен кейін қолданысқа енгізіледі.
«Келісілді»
Қазақстан Республикасы Қаржы
нарығын және қаржы ұйымдарын
реттеу мен қадағалау агенттігінің
төрайымы
Е.Л. Бахмутова
2011 жылғы 11 ақпан
Қазақстан Республикасы
Ішкі істер министрінің
2011 жылғы 9 ақпандағы № 52
бұйрығына қосымша
