Қазақстан Республикасындағы бастауыш, негізгі орта, жалпы орта білім берудің үлгілік оқу жоспарларын бекіту туралы
Қазақстан Республикасы Білім және ғылым министрінің 2012 жылғы 8 қарашадағы № 500 бұйрығы
(2020.17.08. берілген өзгерістер мен толықтырулармен)
Осы бұйрыққа өзгерістер енгізу туралы:
ҚР Оқу-ағарту министрінің 2024 жылғы 8 ақпандағы № 27 бұйрығын қараңыз (2024 ж. 1 қыркүйектен бастап қолданысқа енгізіледі);
ҚР Оқу-ағарту министрінің м.а. 2024 жылғы 27 маусымдағы № 161 бұйрығын қараңыз (2025 ж. 1 қыркүйектен бастап қолданысқа енгізіледі)
ҚР Білім және ғылым министрінің 2019.17.05. № 216 бұйрығымен кіріспе жаңа редакцияда (бұр.ред.қара)
«Білім туралы» 2007 жылғы 27 шілдедегі Қазақстан Республикасы Заңының 5-бабының 6) тармақшасына сәйкес БҰЙЫРАМЫН:
ҚР Білім және ғылым министрінің 2014.25.02. № 61 бұйрығымен (бұр.ред.қара); 2018.04.09. № 441 бұйрығымен (бұр.ред.қара); 2019.15.05. № 205 бұйрығымен (2019 ж. 1 қыркүйектен бастап 10-сыныптар үшін қолданысқа енгізілді, 2020 ж. 1 қыркүйектен бастап 11-сыныптар үшін қолданысқа енгізіледі) (бұр.ред.қара) 1-тармақ жаңа редакцияда; ҚР Білім және ғылым министрінің 2020.17.08. № 350 бұйрығымен 1-тармақ өзгертілді (бұр.ред.қара)
1. Мыналар:
1) - 5) ҚР Білім және ғылым министрінің 2020.17.08. № 350 бұйрығымен алып тасталды (бұр.ред.қара)
6) осы бұйрыққа 6-қосымшаға сәйкес оқыту қазақ тілінде жүргізілетін сыныптарға арналған бастауыш білім берудің (жаңартылған мазмұнның) үлгілік оқу жоспары;
7) осы бұйрыққа 7-қосымшаға сәйкес оқыту орыс тілінде жүргізілетін сыныптарға арналған бастауыш білім берудің (жаңартылған мазмұнның) үлгілік оқу жоспары;
8) осы бұйрыққа 8-қосымшаға сәйкес оқыту ұйғыр/өзбек/тәжік тілінде жүргізілетін сыныптарға арналған бастауыш білім берудің (жаңартылған мазмұнның) үлгілік оқу жоспары;
