«Бурабай» мемлекеттік ұлттық табиғи паркінің қорғалу аймағын белгілеу туралы
Ақмола облысы әкімдігінің 2007 жылғы 23 қаңтардағы № А-2/22 қаулысы
(2010.12.04. берілген өзгерістер мен толықтырулармен)
Осы редакция 2013 жылғы 14 мамырда енгізілген өзгерістеріне дейін қолданылды
Ақмола облысы әкімдігінің 2010.12.04. № А-4/113 қаулысымен кіріспе өзгертілді (бұр.ред.қара)
Қазақстан Республикасының 2003 жылғы 20 маусымдағы Жер Кодексіне, «Ерекше қорғалатын табиғи аумақтары туралы» 2006 жылғы 7 шілдедегі, «Қазақстан Республикасындағы жергілікті мемлекеттік басқару туралы және өзін-өзі басқару» 2001 жылғы 23 қаңтардағы Қазақстан Республикасының Заңдарына сәйкес сыртқы қолайсыз әсерлерден ерекше күзету мен қорғауды қамтамасыз ету мақсатында облыс әкімдігі қаулы етеді:
Ақмола облысы әкімдігінің 2010.12.04. № А-4/113 қаулысымен 1-тармақ өзгертілді (бұр.ред.қара)
1. «Бурабай» мемлекеттік ұлттық табиғи паркі жерлерінің бекітілген шаруашылықаралық жерге орналастыру жобасына сәйкес, «Бурабай» мемлекеттік ұлттық табиғи паркінің айналасында жалпы көлемі - 181 733 гектар, соның ішінде Бурабай ауданында 120 178 гектар, Еңбекшілдер ауданында 61 555 гектар жер учаскесін қамтитын қорғалу аймағы белгіленсін.
2. Қосымша берілген «Бурабай» мемлекеттік ұлттық табиғи паркінің аумағында табиғатты пайдаланудың тәртібі мен режимін белгілеу Ережелері бекітілсін.
3. Осы қаулы Ақмола облысының әділет департаментінде мемлекеттік тіркеуден өткен күнінен бастап күшіне енеді және ресми жарияланған күнінен бастап қолданысқа енгізіледі.
Облыс әкімінің м.а.
Ақмола облысы әкімдігінің
2007 ж. 23.01. № A-2/22 қаулысымен
БЕКІТІЛДІ
«Бурабай»мемлекеттік ұлттық табиғи паркінің аумағында табиғатты пайдаланудың тәртібі мен режимін белгілеу
ЕРЕЖЕЛЕРІ
Ақмола облысы әкімдігінің 2007.13.04. № А-4/126 қаулысымен 1-тарау өзгертілді (бұр. ред. қара)
Жалпы ережелер
Осы Ережелер «Бурабай» мемлекеттік ұлттық табиғи паркінің қорғалу аймағы аумағында табиғатты пайдаланудың тәртібі мен режимін белгілеу мақсатында дайындалды.
