Осы редакция 2013 жылғы 24 қаңтарда енгізілген өзгерістеріне дейін қолданылды
Қазақстан Республикасы
Төтенше жағдайлар министрінің
2008 жылғы 25 шілдедегі
№ 132 бұйрығымен
бекітілген
ҚР Төтенше жағдайлар министрінің 2009.21.10. № 244 бұйрығымен барлық мәтін бойынша «Ереже», «Ережелермен», «Ережелерді», «Ережелерге» сөздері сәйкесінше «Талап», «Талаптармен», «Талаптарды», «Талаптарға» сөздерімен алмастырылды
Мұнай және газ ұңғыларын жерасты жөндеуі кезіндегі өнеркәсіптік
қауіпсіздік талаптары
(2009.21.10. берілген өзгерістермен)
Мазмұны
1-бөлім. Жалпы талаптар
1. Осы Талап мұнай және газ ұңғыларын (өндіруші, сығымдау, іздестіру және бақылау) жерасты жөндеу жұмыстарының барлық түрлеріне таратылады.
2. Негізгі түсініктер:
1) ұңғы басу - қыртыстан ұңғымаға ағындылар ағуын тоқтатуға арналған жұмыстар;
2) ұңғы - жерастылық (тау-кен техникалық) құрылғы, тереңдігі көлденең қиындысына қарағанда аса үлкен, тік немесе қиғаш цилиндр тәріздес тау қазбасы.
3. Ұйымдар технологиялық операцияларды қауіпсіз жүргізуді анықтайтын технологиялық регламенттерді жасап, техникалық жетекшімен бекітеді және өнеркәсіптік қауіпсіздігі саласындағы аумақтық өкілетті органдармен келісіледі. Технологиялық регламенттер жаңа ережелер және нормалар енгізілген жағдайда, жаңа технологиялық процесстер, қондырғылар, машиналар, аппаратуралар қолданысқа енген жағдайда қайта қаралады.
4. Рұқсат қағаз арқылы орындалатын аса қауіпті жұмыстар тізбелері мекеме арқылы жасалады. Осы жұмыстар тізбелері ұйымның техникалық жетекшілерімен бекітіледі.
