Алматы облысы әкімдігінің 2014 жылғы 2 маусымдағы № 196 Қаулысымен күші жойылды
Алматы облысы әкімдігінің
2012 жылғы 29 желтоқсандағы
№ 436 қаулысымен бекітілген
«Балаларға қосымша білім беру бойынша қосымша білім беру ұйымдарына құжаттар қабылдау және оқуға қабылдау»
мемлекеттік қызмет регламентіa
1. Негізгі ұғымдар
1. Осы «Балаларға қосымша білім беру бойынша қосымша білім беру ұйымдарына құжаттар қабылдау және оқуға қабылдау» мемлекеттік қызмет көрсету регламентінде (бұдан әрі - Регламент) келесі ұғымдар қолданылады:
1) тұтынушы - жеке тұлға;
2) уәкілетті орган - аудандық, қалалық білім бөлімдері;
3) уәкілетті органның жауапты қызметкері - лауазымдық қызметіне сәйкес жүктелген уәкілетті органның қызметкері;
4) уәкілетті органның бастығы - аудандық, қалалық білім бөлімдерінің бастықтары.
2. Жалпы ережелер
2. Осы мемлекеттік қызметтің регламенті Қазақстан Республикасының 2000 жылғы 27 қарашадағы «Әкімшілік рәсімдер туралы» Заңының 9-1 бабындағы 4 тармаққа сәйкес әзірленді.
3. «Балаларға қосымша білім беру бойынша қосымша білім беру ұйымдарына құжаттар қабылдау және оқуға қабылдау» мемлекеттік қызметін (бұдан әрі - мемлекеттік қызмет) осы регламенттегі 1 қосымшаға сәйкес жергілікті атқарушы органдар белгілейтін мемлекеттік білім беру бағдарламаларын іске асыратын мемлекеттік қазыналық коммуналдық кәсіпорындар болып табылатын балаларға қосымша білім беру ұйымдарында көрсетіледі.
4. Көрсетілетін мемлекеттік қызмет нысаны: автоматтандырылмаған.
5. Мемлекеттік қызмет тегін көрсетіледі.
6. Мемлекеттік қызмет Қазақстан Республикасының «Білім туралы» 2007 жылғы 27 шілдедегі Заңының 1, 4, 5, 6, 23, 26, 40 баптарымен және Қазақстан Республикасы Үкіметінің 2012 жылғы 31 тамыздағы № 1119 қаулысымен бекітілген «Балаларға қосымша білім беру бойынша қосымша білім беру ұйымдарына құжаттар қабылдау және оқуға қабылдау» мемлекеттік қызмет стандартына сәйкес ұсынылады (бұдан әрі - стандарт).
