Салықтық әкімшілендірудің кейбір мәселелері туралы
Қазақстан Республикасы Қаржы министрінің 2008 жылғы 30 желтоқсандағы № 637 бұйрығы
(2013.16.01. берілген өзгерістер мен толықтыруларымен)
Осы редакция 2013 жылғы 5 тамызда енгізілген өзгерістеріне дейін қолданылды
«Салықтық әкімшілендірудің кейбір мәселелері туралы» ҚР Үкіметінің 2011 жылғы 31 қазандағы № 1247 Қаулысын қараңыз
ҚР Қаржы министрінің 2010.26.07. № 373 бұйрығымен кіріспе өзгертілді (бұр.ред.қара)
«Салық және бюджетке төленетін басқа да міндетті төлемдер туралы» Қазақстан Республикасы Кодексіне (Салық кодексі) және «Қазақстан Республикасындағы кеден ісі туралы» Қазақстан Республикасы Кодексіне сәйкес БҰЙЫРАМЫН:
ҚР Қаржы министрінің 2009.29.12. № 584 бұйрығымен (бұр.ред.қара); 2010.26.07. № 373 бұйрығымен (бұр.ред.қара); 2012.22.05. № 261 бұйрығымен (бұр.ред.қара) 1-тармақ өзгертілді; ҚР Қаржы министрінің 2013.16.01. № 19 бұйрығымен 1-тармақ жаңа редакцияда (бұр.ред.қара)
1. Мыналар:
1) осы бұйрыққа 1-қосымшаға сәйкес салық органы есептеген салықтардың сомасы туралы хабарлама;
2) осы бұйрыққа 2-қосымшаға сәйкес салықтық тексеру нәтижелері туралы хабарлама;
3) осы бұйрыққа 3-қосымшаға сәйкес тарату салық есептілігін табыс еткен күннен бастап тарату салықтық тексеру аяқталған күнге дейінгі кезең үшін салықтардың және бюджетке төленетін басқа да міндетті төлемдердің, міндетті зейнетақы жарналарының, әлеуметтік аударымдардың есепке жазылған сомалары туралы хабарлама;
4) осы бұйрыққа 4-қосымшаға сәйкес Қазақстан Республикасының салық заңнамасында белгіленген мерзімде салық есептілігінің табыс етілмеуі туралы хабарлама;
5) осы бұйрыққа 5-қосымшаға сәйкес салық берешегін өтеу туралы хабарлама;
6) осы бұйрыққа 6-қосымшаға сәйкес дебиторлардың банк шоттарындағы ақшадан өндіріп алу туралы хабарлама;
7) осы бұйрыққа 7-қосымшаға сәйкес камералдық бақылау нәтижелері бойынша салық қызметі органдары анықтаған бұзушылықтарды жою туралы хабарлама;
