Мемлекеттік кірістер органдарының қызмет аймақтарын айқындау туралы
Қазақстан Республикасы Қаржы министрінің 2018 жылғы 12 ақпандағы № 167 бұйрығы
(2024.26.05. берілген өзгерістер мен толықтырулармен)
ҚР Қаржы министрінің 2024 жылғы 4 қазандағы № 666 бұйрығымен күші жойылды
ҚР Қаржы министрінің 2024.10.05. № 280 бұйрығымен кіріспе жаңа редакцияда (2024 ж. 26 мамырдан бастап қолданысқа енгізілді) (бұр.ред.қара)
«Қазақстан Республикасындағы кедендік реттеу туралы» Қазақстан Республикасы Кодексінің 3-бабы 1-тармағының 28) тармақшасына сәйкес БҰЙЫРАМЫН:
1. Осы бұйрыққа қосымшаға сәйкес мемлекеттік кірістер органдарының қызмет аймақтары айқындалсын.
2. «Кедендік бақылаудағы тауарлар және халықаралық тасымал көлік құралдарына қатысты кедендік бақылауды жүзеге асыратын шегіндегі мемлекеттік кірістер органдарының қызмет ету аймақтарын бекіту туралы» Қазақстан Республикасы Қаржы министрінің 2015 жылғы 9 желтоқсандағы № 638 бұйрығының (Нормативтік құқықтық актілерді мемлекеттік тіркеу тізілімінде № 12781 болып тіркелген, «Әділет» ақпараттық-құқықтық жүйесінде 2016 жылғы 13 қаңтарда жариялған) күші жойылды деп танылсын.
3. Қазақстан Республикасы Қаржы министрлігінің Мемлекеттік кірістер комитеті (А.М. Теңгебаев) заңнамада белгіленген тәртіппен:
1) осы бұйрықтың Қазақстан Республикасының Әділет министрлігінде мемлекеттік тіркелуін;
2) осы бұйрық мемлекеттік тіркелген күннен бастап күнтізбелік он күн ішінде оның қазақ және орыс тілдеріндегі қағаз және электрондық түрдегі көшірмелерін ресми жариялау және Қазақстан Республикасы нормативтік құқықтық актілерінің эталондық бақылау банкіне енгізу үшін Қазақстан Республикасы Әділет министрлігінің «Республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнына жолдануын;
3) осы бұйрықтың Қазақстан Республикасы Қаржы министрлігінің интернет-ресурсында орналастырылуын;
