«Цифрлық денсаулық сақтау саласындағы анықтамалықтарды бекіту туралы» Қазақстан Республикасы Денсаулық сақтау министрінің міндетін атқарушының 2021 жылғы 4 ақпандағы № ҚР-ДСМ-14 бұйрығына өзгерістер енгізу туралы
Қазақстан Республикасы Денсаулық сақтау министрінің 2024 жылғы 13 тамыздағы № 61 бұйрығы
БҰЙЫРАМЫН:
1. «Цифрлық денсаулық сақтау саласындағы анықтамалықтарды бекіту туралы» Қазақстан Республикасы Денсаулық сақтау министрінің міндетін атқарушының 2021 жылғы 4 ақпандағы № ҚР-ДСМ-14 бұйрығына (Нормативтік құқықтық актілерді мемлекеттік тіркеу тізілімінде № 22166 болып тіркелген) мынадай өзгерістер енгізілсін:
тақырып мынадай редакцияда жазылсын:
«Цифрлық денсаулық сақтау саласындағы сыныптауларды, анықтамалықтар мен номенклатураны бекіту туралы»;
1-тармақ мынадай редакцияда жазылсын:
«1. Осы бұйрыққа қосымшаға сәйкес цифрлық денсаулық сақтау саласындағы сыныптаулар, анықтамалықтар мен номенклатура бекітілсін.»;
2-тармақ мынадай редакцияда жазылсын;
«2. Облыстардың, республикалық маңызы бар қалалардың және астананың денсаулық сақтауды мемлекеттік басқарудың жергілікті органдарының басшылары, республикалық маңызы бар денсаулық сақтау ұйымдарының басшылары цифрлық денсаулық сақтау саласындағы сыныптауларды, анықтамалықтар мен номенклатураны енгізуді және пайдалануды қамтамасыз етсін.»;
көрсетілген бұйрыққа қосымшамен бекітілген цифрлық денсаулық сақтау саласындағы анықтамалықтар осы бұйрыққа қосымшаға сәйкес жаңа редакцияда жазылсын.
2. Қазақстан Республикасы Денсаулық сақтау министрлігінің Электрондық денсаулық сақтауды дамыту департаменті Қазақстан Республикасының заңнамасында белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрықты ресми жариялағаннан кейін оны Қазақстан Республикасы Денсаулық сақтау министрлігінің интернет-ресурсында орналастыруды;
