2014 жылғы 29 мамырдағы Еуразиялық экономикалық одақ туралы шартқа өзгерістер енгізу,
сондай-ақ жекелеген халықаралық шарттардың қолданысын өзгерту және тоқтату туралы
ХАТТАМА
(Ереван, 2019 жылғы 1 қазанда)
ҚР 2020 жылғы 26 қазандағы № 369-VI Заңымен ратификацияланды
2020 жылғы 1 қаңтардан бастап уакытша қолданылды
Бұдан әрі мүше мемлекеттер деп аталатын Еуразиялық экономикалық одаққа мүше мемлекеттер 2014 жылғы 29 мамырдағы Еуразиялық экономикалық одақ туралы шарттың 115-бабын басшылыққа ала отырып, төмендегілер туралы келісті:
1-бап
Кедендік әкелу баждарының (баламалы қолданылатын өзге де баждар, салықтар мен алымдар) сомаларын есепке жатқызу және бөлу, оларды мүше мемлекеттер бюджеттерінің кірісіне аудару тәртібі туралы хаттамаға (2014 жылғы 29 мамырдағы Еуразиялық экономикалық одақ туралы шартқа № 5 қосымша) мынадай өзгерістер енгізілсін:
12-тармақ мынадай редакцияда жазылсын:
«12. Әрбір мүше мемлекет үшін кедендік әкелу баждарының сомаларын бөлу нормативтері мынадай мөлшерде белгіленеді:
Армения Республикасы - 1,220 пайыз;
Беларусь Республикасы - 4,860 пайыз;
Қазақстан Республикасы - 6,955 пайыз;
Қырғыз Республикасы - 1,900 пайыз;
Ресей Федерациясы - 85,065 пайыз.»;
40-тармақтың бірінші абзацы мынадай редакцияда жазылсын:
«40. Мүше мемлекеттің уәкілетті органы күн сайын, жергілікті уакытпен ағымдағы күнгі сағат 16-дан кешіктірмей (Армения Республикасы үшін - Ереван қаласының уақытымен, Беларусь Республикасы үшін - Минск қаласының уақытымен, Қазакстан Республикасы үшін - Нұр-Сұлтан қаласының уақытымен, Қырғыз Республикасы үшін - Бішкек қаласының уакытымен, Ресей Федерациясы үшін - Мәскеу қаласының уақытымен), басқа мүше мемлекеттердің уәкілетті органдарына есепті күнгі мынадай ақпаратты жібереді:»;
53-тармақ мынадай редакцияда жазылсын:
