2024-2025 оқу жылына жоғары және жоғары оқу орнынан кейінгі білімі бар кадрларды даярлауға мемлекеттік білім беру тапсырысын орналастырудың кейбір мәселелері туралы
Қазақстан Республикасы Ғылым және жоғары білім министрінің 2024 жылғы 28 қазандағы № 499 бұйрығы
«Білім туралы» Қазақстан Республикасы Заңының 1-бабының 13-1) тармақшасына және Қазақстан Республикасы Білім және ғылым министрінің 2016 жылғы 29 қаңтардағы № 122 бұйрығымен бекітілген Еңбек нарығының қажеттіліктерін ескере отырып, жоғары және жоғары оқу орнынан кейінгі білімі бар кадрларды даярлауға, жоғары және (немесе) жоғары оқу орнынан кейінгі білім беру ұйымдарының дайындық бөлімшелеріне мемлекеттік білім беру тапсырысын орналастыру қағидаларына сәйкес (бұдан әрі - Қағидалар) БҰЙЫРАМЫН:
1. 2024-2025 оқу жылына жоғары және жоғары оқу орнынан кейінгі білімі бар кадрларды даярлауға мемлекеттік білім беру тапсырысын орналастыру «Жоғары және жоғары оқу орнынан кейінгі білімі бар кадрлармен қамтамасыз ету» 204 бюджеттік бағдарламаның «Жоғары, жоғары оқу орнынан кейінгі білімі бар мамандар даярлау және білім алушыларға әлеуметтік қолдау көрсету» 100 кіші бағдарламасы және «Шетел азаматтарын, Қазақстан Республикасының азаматы болып табылмайтын қазақ ұлтының өкілдерін (диаспора) оқыту үшін стипендиялық бағдарламалар» 118 кіші бағдарламасы бойынша білім беру саласындағы уәкілетті органның операторы «Қаржы орталығы» акционерлік қоғамы (бұдан әрі - Оператор) арқылы келесі ретпен:
1) 2024 жылғы қыркүйектен бастап осы бұйрыққа қосымшаға сәйкес жоғары және (немесе) жоғары оқу орнынан кейінгі білім беру ұйымдарында;
2) 2025 жылғы қаңтардан бастап Байқоңыр қаласындағы Мәскеу авиациялық институты (ұлттық зерттеу университеті) Федералдық мемлекеттік бюджеттік жоғары білім беру мекемесінің «Восход» филиалын қоспағанда, әкімшісі ғылым және жоғары білім беру саласындағы уәкілетті орган болып табылатын бюджеттік бағдарламалар бойынша қаржыландырылатын жоғары және (немесе) жоғары оқу орнынан кейінгі білім беру ұйымдарында жүзеге асырылсын.
