Есеп жүргізудің және мемлекеттік кірістер органына есептілікті ұсынудың кейбір мәселелері туралы
Қазақстан Республикасы Премьер-Министрінің Бірінші орынбасары - Қазақстан Республикасы Қаржы министрінің 2020 жылғы 10 сәуірдегі № 374 бұйрығы
(2024.03.08. берілген өзгерістер мен толықтырулармен)
ҚР Премьер-Министрі орынбасарының м.а. - Қаржы министрінің м.а. 2023.30.03. № 306 бұйрығымен (2023 ж. 14 сәуірден бастап қолданысқа енгізілді) (бұр.ред.қара); ҚР Қаржы министрінің 2024.19.07. № 470 бұйрығымен (2024 ж. 3 тамыздан бастап қолданысқа енгізілді) (бұр.ред.қара) кіріспе жаңа редакцияда
«Қазақстан Республикасындағы кедендік реттеу туралы» Қазақстан Республикасы Кодексінің 38-бабы 2-тармағына, 167-бабы 5) тармақшасына, 431-бабы 1 және 2-тармағына, 494-бабы 1-тармағының 2) тармақшасына, 500-бабы 3) тармақшасына, 507-бабы 1-тармағының 5) тармақшасына, 514-бабы 1-тармағының 5) тармақшасына, 521-бабы 1-тармағының 4) тармақшасына, 528-бабы 1-тармағының 5) тармақшасына, 541-бабы 1-тармағының 5) тармақшасына және «Мемлекеттік статистика туралы» Қазақстан Республикасы Заңының 16-бабы 3-тармағының 2) тармақшасына сәйкес БҰЙЫРАМЫН:
ҚР Қаржы министрінің 2024.19.07. № 470 бұйрығымен 1-тармақ өзгертілді (2024 ж. 3 тамыздан бастап қолданысқа енгізілді) (бұр.ред.қара)
1. Қоса беріліп отырған:
1) осы бұйрыққа 1-қосымшаға сәйкес Мемлекеттік кірістер органына есептілікті ұсыну қағидалары мен мерзімдері, тауарлар мен (немесе) көлік құралдардың есебін жүргізу тәртібі, есептілікті ұсыну тәсілі, электрондық құжат түрінде ұсынылатын есептердің құрылымы мен форматы, оларды толтыру тәртібі;
2) осы бұйрыққа 2-қосымшаға сәйкес Сақтауда тұрған тауарлардың және (немесе) көлік құралдарының есеп нысаны;
3) осы бұйрыққа 3-қосымшаға сәйкес Кедендік операциялар туралы есеп нысаны;
4) осы бұйрыққа 4-қосымшаға сәйкес Бажсыз сауда дүкендеріне түскен тауарлар мен оларды өткізу туралы есеп нысаны;
