Есеп жүргізу және есептілікті мемлекеттік кірістер органына ұсынудың кейбір мәселелері туралы
Қазақстан Республикасы Қаржы министрінің 2018 жылғы 15 наурыздағы № 367 бұйрығы
(2019.20.11. берілген өзгерістер мен толықтырулармен)
ҚР Премьер-Министрінің Бірінші орынбасары - ҚР Қаржы министрінің 2020 жылғы 10 сәуірдегі № 374 бұйрығымен күші жойылды
«Қазақстан Республикасындағы Кедендік реттеу туралы» 2017 жылғы 26 желтоқсандағы Қазақстан Республикасы Кодексінің 38-бабының 2-тармағына, 167-бабының 5) және 6) тармақшаларына, 494-бабының 1-тармағы 2) тармақшасына, 500-бабының 3) тармақшасына, 507-баптың 1-тармағы 5) тармақшасына, 514-баптың 1-тармағы 5) тармақшасына, 521-баптың 1-тармағы 4) тармақшасына, 528-баптың 1-тармағы 5) тармақшасына, 541-баптың 1-тармағы 5) тармақшасына және «Мемлекеттік статистика туралы» 2010 жылғы 19 наурыздағы Қазақстан Республикасы Заңының 16-бабы 3-тармағының 2) тармақшасына сәйкес БҰЙЫРАМЫН:
1. Қоса беріліп отырған:
1) Есептілікті, оның ішінде сақталатын, тасымалданатын, өткізілетін, қайта өңделетін және (немесе) пайдаланылатын тауарлар туралы, сондай-ақ жасалған кедендік операциялар туралы есептілік мемлекеттік кірістер органының талабы бойынша ғана ұсынылатын жағдайларда ұсыну қағидалары мен мерзімдері, тауарлар мен көлік құралдардың есебін жүргізу, есептілікті ұсыну тәсілі, электрондық құжат түрінде ұсынылатын есептердің құрылымы мен форматы, оларды толтыру тәртібі осы бұйрыққа 1-қосымшаға сәйкес;
2) сақтауда тұрған тауарлардың және (немесе) көлік құралдарының есеп нысаны осы бұйрыққа 2-қосымшаға сәйкес;
3) кедендік операциялар туралы есептілік нысаны осы бұйрыққа 3-қосымшаға сәйкес;
4) кедендік тасымалдаушының кедендік бақылауымен тауарларды кедендік транзит кедендік рәсіміне сәйкес тасымалдау (тасу) туралы есеп нысаны осы бұйрыққа 4-қосымшаға сәйкес;
5) сақтауда тұрған тауарлардың есеп нысаны осы бұйрыққа 5-қосымшаға сәйкес;
6) бажсыз сауда дүкендеріне түскен тауарлар мен оларды өткізу туралы есеп нысаны осы бұйрыққа 6-қосымшаға сәйкес;
