Мемлекеттік мүлік тізіліміне деректерді беру нысанын, көлемін және кезеңділігін бекіту туралы
Қазақстан Республикасы Қаржы министрінің 2015 жылғы 10 сәуірдегі № 267 бұйрығы
(2024.20.04. берілген өзгерістер мен толықтырулармен)
ҚР Премьер-Министрінің Бірінші орынбасары - ҚР Қаржы министрінің 2020.16.01. № 23 бұйрығымен (бұр.ред.қара); ҚР Қаржы министрінің м.а. 2024.05.04. № 184 бұйрығымен (2024 ж. 20 сәуірден бастап қолданысқа енгізілді) (бұр.ред.қара) кіріспе жаңа редакцияда
«Мемлекеттік статистика туралы» Қазақстан Республикасы Заңының 16-бабы 3-тармағының 2) тармақшасына және «Мемлекеттік мүлік туралы» Қазақстан Республикасы Заңының 200-бабының 3-тармағына сәйкес БҰЙЫРАМЫН:
ҚР Премьер-Министрінің Бірінші орынбасары - ҚР Қаржы министрінің 2020.16.01. № 23 бұйрығымен 1-тармақ жаңа редакцияда (бұр.ред.қара); ҚР Қаржы министрінің м.а. 2024.05.04. № 184 бұйрығымен 1-тармақ өзгертілді (2024 ж. 20 сәуірден бастап қолданысқа енгізілді) (бұр.ред.қара)
1. Мыналар:
1) осы бұйрыққа 1-қосымшаға сәйкес мемлекеттік заңды тұлғаларға бекітілген мүлік объектілері бойынша мемлекеттік мүлік тізіліміне деректерді беру нысаны мен көлемі;
2) осы бұйрыққа 2-қосымшаға сәйкес жер пайдаланудағы жер учаскелері бойынша мемлекеттік мүлік тізіліміне деректерді беру нысаны мен көлемі;
3) осы бұйрыққа 3-қосымшаға сәйкес мемлекетке тиесілі акционерлік қоғамдардың акциялары мен жауапкершілігі шектеулі серіктестіктердің жарғылық капиталындағы қатысу үлестері бойынша мемлекеттік мүлік тізіліміне деректерді беру нысаны мен көлемі;
4) осы бұйрыққа 4-қосымшаға сәйкес мемлекетке тиесілі ұлттық мәдени игілік объектілері бойынша мемлекеттік мүлік тізіліміне деректерді беру нысаны мен көлемі;
5) осы бұйрыққа 5-қосымшаға сәйкес мемлекетке тиесілі зияткерлік меншік объектілері бойынша мемлекеттік мүлік тізіліміне деректерді беру нысаны мен көлемі;
6) осы бұйрыққа 6-қосымшаға сәйкес мемлекеттік заңды тұлғалар бойынша мемлекеттік мүлік тізіліміне деректерді беру нысаны мен көлемі;
