Қазақстан Республикасы Қарулы Күштерінің әскери-қолданбалы спорт түрлері жөніндегі қағидаларын бекіту туралы
Қазақстан Республикасы Қорғаныс министрінің 2020 жылғы 1 шілдедегі № 304 бұйрығы
«Дене шынықтыру және спорт туралы» 2014 жылғы 3 шілдедегі Қазақстан Республикасының Заңы 37-бабының 2-тармағына сәйкес БҰЙЫРАМЫН:
1. Қоса беріліп отырған Қазақстан Республикасы Қарулы Күштерінің әскери-қолданбалы спорт түрлері жөніндегі қағидалары бекітілсін.
2. Қазақстан Республикасы Қорғаныс министрлігінің Спорт комитеті - Армия орталық спорт клубы заңнамада белгіленген тәртіппен:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрықты алғашқы ресми жарияланғанынан кейін Қазақстан Республикасы Қорғаныс министрлігінің интернет-ресурсына орналастыруды;
3) мемлекеттік тіркелген күннен бастап күнтізбелік он күн ішінде осы тармақтың 1), және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Қорғаныс министрлігінің Заң департаментіне жолдауды қамтамасыз етсін.
3. Осы бұйрықтың орындалуын бақылау Қазақстан Республикасы Қорғаныс министрінің жетекшілік етететін орынбасарына жүктелсін.
4. Осы бұйрық лауазымды адамдарға, оларға қатысты бөлігінде жеткізілсін.
5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Қазақстан Республикасының Қорғаныс министрі | Н. Ермекбаев |
«КЕЛІСІЛДІ»
Қазақстан Республикасы
Мәдениет және спорт министрлігі
2020 ж.
Қазақстан Республикасы
Қорғаныс министрлігінің
2020 жылғы 1 шілдедегі
№ 304 бұйрығымен
бекітілген
Қазақстан Республикасы Қарулы Күштерінің әскери-қолданбалы спорт түрлері жөніндегі
қағидалары
1-бөлім. Жалпы ережелер
1-тарау. Әскери-қолданбалы спорт түрлері бойынша жалпы ережелер
