Батыс Қазақстан облысы әкімдігінің 2019.04.10. № 252 Қаулысымен мемлекеттік көрсетілетін қызмет регламентімен толықтырылды
Батыс Қазақстан облысы әкімдігінің
2015 жылғы 7 шілдедегі
№ 162 қаулысымен бекітілді
Батыс Қазақстан облысы әкімдігінің 2020 жылғы 20 сәуірдегі № 76 Қаулысымен күші жойылды
«Мемориалдық тақталарды орнатуға рұқсат беру»
мемлекеттік көрсетілетін қызмет регламенті
(2019.04.10. берілген өзгерістер мен толықтырулармен)
1. Жалпы ережелер
1. «Мемориалдық тақталарды орнатуға рұқсат беру» мемлекеттік көрсетілетін қызметі (бұдан әрі - мемлекеттік көрсетілетін қызмет) мәдениет саласындағы облыстың жергілікті атқарушы органдарымен (бұдан әрі - көрсетілетін қызметті беруші) Қазақстан Республикасы Мәдениет және спорт министрінің 2015 жылғы 22 сәуірдегі № 146 «Мәдениет саласындағы мемлекеттiк көрсетiлетiн қызмет стандарттарын бекіту туралы» бұйрығымен бекітілген «Мемориалдық тақталарды орнатуға рұқсат беру» мемлекеттік көрсетiлетiн қызмет стандартына (бұдан әрі - Стандарт) сәйкес көрсетіледі.
Өтінішті қабылдау және мемлекеттік көрсетілетін қызмет нәтижесін беру қызмет берушінің кеңсесі арқылы жүзеге асырылады.
2. Мемлекеттік көрсетілетін қызмет нысаны: қағаз түрінде.
3. Мемлекеттік көрсетілетін қызмет нәтижесі -Қазақстан Республикасы Мәдениет және спорт министрінің 2015 жылғы 16 қарашадағы № 356 «Мемориалдық тақталарды орнатудың өлшемшарттары мен қағидаларын бекіту туралы» бұйрығымен бекітілген Мемориалдық тақталарды орнату қағидасының (Қазақстан Республикасы Әділет министрлігінде 2015 жылғы 14 желтоқсанда №12405 болып тіркелген) (бұдан әрі - Қағида) 2-қосымшасына сәйкес мемориалдық тақталарды орнатуға рұқсат беру не Стандартының 10-тармағында көзделген негіздерге сәйкес нысан бойынша Қағиданың 3-қосымшасына сәйкес мемлекеттік қызметті көрсетуден бас тарту туралы дәлелді жауап.
Мемлекеттік көрсетілетін қызмет нәтижесін ұсыну нысаны: қағаз түрінде.
Мемлекеттік көрсетілетін қызмет заңды және жеке тұлғаларға (бұдан әрі - көрсетілетін қызметті алушы) тегін көрсетіледі.
