Әкімшілік-аумақтық бірліктердің (көліктегі) бас мемлекеттік санитариялық дәрігерлерді және олардың орынбасарларын айқындау туралы
Қазақстан Республикасы Денсаулық сақтау Вице-министрінің - Қазақстан Республикасы Бас мемлекеттік санитариялық дәрігерінің 2021 жылғы 6 қаңтардағы № 3 бұйрығы
(2021.17.03. берілген өзгерістермен)
ҚР Вице-министр - Бас мемлекеттік санитариялық дәрігерінің 2021 жылғы 23 сәуірдегі № 236 бұйрығымен күші жойылды
ҚР Денсаулық сақтау Вице-министрінің - ҚР Бас мемлекеттік санитариялық дәрігерінің 2021.17.03. № 144 бұйрығымен тақырыбы жаңа редакцияда (бұр.ред.қара)
«Халық денсаулығы және денсаулық сақтау жүйесі туралы» Қазақстан Республикасы Кодексінің 37-бабына және «Бас мемлекеттік санитариялық дәрігерлерді айқындаудың кейбір мәселелері туралы» Қазақстан Республикасының Денсаулық сақтау министрінің 2020 жылғы 28 желтоқсандағы № 903 бұйрығына сәйкес БҰЙЫРАМЫН:
1. Осы бұйрыққа қосымшаға сәйкес Қазақстан Республикасы Денсаулық сақтау министрлігі Санитариялық-эпидемиологиялық бақылау комитетінің санитариялық-эпидемиологиялық бақылау департаменттерінің (бұдан әрі - Департамент) бас мемлекеттік санитариялық дәрігерлері және олардың орынбасарлары айқындалсын.
2. ҚР Денсаулық сақтау Вице-министрінің - ҚР Бас мемлекеттік санитариялық дәрігерінің 2021.17.03. № 144 бұйрығымен алып тасталды (бұр.ред.қара)
3. «Тиісті әкімшілік-аумақтық бірліктердің (көліктегі) халықтың санитариялық-эпидемиологиялық саламаттылығы саласындағы мемлекеттік бақылауды және қадағалауды жүзеге асыратын лауазымды тұлғаларын айқындау туралы» Қазақстан Республикасы Денсаулық сақтау министрлігі Санитариялық- эпидемиологиялық бақылау комитеті төрағасының 2020 жылғы 18 қарашадағы № 5-НҚ бұйрығының күші жойылды деп танылсын.
4. Осы бұйрық қол қойылған күннен бастап күшіне енеді.
